Целта на оваа петиција ни е да се укине новото правило за редовност кое го условува студентот ако има 3 минуси ја губи единствената шанса за полагање која е во сесија каде што сите полагаат. Со оглед на тоа што немаме колоквиуми тоа ни е единствената шанса за полагање и они сакаат да ни го скратат и тоа при што доколку студент еден ден не се појави на факултет автоматски се добиваат тие 3 минуси од причина што имаме неколку предмети во еден ден. Затоа сакаме со оваа петиција да им дадеме дознание на тие што се одговорни дека не е сè до присуството, нудиме еден куп решенија и алтернативни мерки кои можат да го заменат ова правило, само сакаме да имаме еден состанок со деканот и да ги ислуша нашите поплаки и жалби, не сакаме да стигнеме до ниво каде што би попречувале настава или би бојкотирале, бараме едно нешто и сакаме да бидеме чуени од тие што се над нас. Веруваме дека можеме да го решиме ова на најмирен начин и само сакаме да го подобриме нашиот начин на Академска едукација, сепак се даваат големи суми на пари за оваа едукација но нема нешто што е во корист на студентот. Имаме и внатрешно истражување и дознавме дека дури и дел од професорите се ПРОТИВ оваа мерка, затоа ве молиме, да се обединиме и да собереме доволно потписи и да ја решиме оваа минимална пречка.