Eka cheddvak ‘viktem ghevop’ ani tacher bolatkar korop- eka lokanchea zomea sangata Pulis sthanacher hol’lo korop- Jivo marpacho proiotn. Ami KAIDO KORPEANK vo KAIDO MODDPEANK vinchun kaddpachem?

Tujea oslea sadhea nagrikank osle gombhir guneanv aslear, amchem khas kuttumb amkam lojek ghalta aslem, somajik bohixkarak fuddo korcho poddtta aslo vo ghoddiek amcheo nokreo ghaloita aslem. Punn rajkaronnant zancher osle guneanv asat te Goeant nivoddnnuk  loddoitat (ani hachea von chodd vaitt te nivddun ietat). Koxe porim boro kaido ani vevostha  amchean opekxit korum ieta jen’na nivoddlole protinidhi kaido moddpeancher guneanvkar asat? Ho orz soi korat.

Ek Goeant ravpi koso, mhaka nivoddnnuke disa ek thoddem vaitt vinchunk melltta dekhun hanv kamptam. He vinchpache poriai aslear ho lokxaiecho ek dukhicho dis zavn asa. Hem hanv koxench manun ghevnk kobul na. Mhaka nivoll nivoddnnuko zai.  Mhojea sangatan ravat.

Association for Democratic Reforms hannim mhaiti jahir kelea tantunt sodheachea 40 amdaram modle 11 zonnank guneanvkari fattbhuim asa.Hantuntlea 9 zonnancher gombhir kesi asat zantunt ostoreancher  ani bhurgeancher kelole guneanv asat zoxe porim bolatkar, pollun vhorop, loingik atak, pulis chovker hol’lo, jivo marpacho proitn, bhroxttachar adi. Khot aslole amdar sogllea pokxanche asat-BJP, Kongres, Goa Forward Party, National Congress Party ani her ani tanchim nanvam oxim asat:

1. Atanasio Monserrate (BJP)
2. Jennifer Monserrate (BJP)
3. Vishwajit  Rane(BJP)
4. Govind Gaude ( Opokx/BJP)
5. Nilkanth Halankar (NCP)
6. Michael Lobo (BJP/INC)
7. Digamber Kamat (INC)
8. Churchill Alemao (NCP/TMC)
9. Vinod Paliencar (GFP/Opokx)

Thottakpachi gozal 9 zonnank gombhir guneanvanchi fattbhuim asa je ietea nivoddnukek Fevrerache 14ver 2022 hache umedvar asat.Ami motdaramnim  odik mhaitipurnn poriai korna zalear Ietea nivoddnnukecho porinnam vegllo aschona. Ami amchea vavrak lagum-ia

Prosn oso asa ki sorasori motdarank, umedvaranchea guneanvanchi fattbhuimchi vollok na zorui Nivoddnnukechea Aiogan, Supreme Korttachea hukuma vorvim,  nivoddnnukechi orz kelea uprant 48 vora  bhitor, umedvaramnim apli fattbhuim  aple website-icher, somajik madheomacher  ghalunk,  soktichem kelam.

Mhozo orz  soi kor ani Nivoddnnukecho Aiogak, umedvar  zancher bolatkar, khun, donge osle gombhir arop asat tannim aplea jairatinchea toktteancher “ Guneanvancho Rekordd” mottea datt okxoramnim sogllea tanchea jairatinchea mozkuracher prochar kortana korunk zai mhonn magnnem kor, zor umedvar toxem korina zalear tancho orz rod’dh korunk zai. 

Khoreponnim mhaka ekui monis guneanv aslolo umedvar  uvenchnnuko loddoilolo vo nivddun ailolo naka. Hanv ek kaido manpi nagrik ani toslo umedvar mhozo protinidhi mhaka zalolo naka.

 Punn,zor mhojea hea orjent amchea rajkornnant guneanvkarancho ankddo thoddo unno korunk zata zalear mhaka bore bhaxen nhidunk  toxem sompeponnim usvas ghevnk  ghoddttolem.

Mhaka khatri asa, hanv ekttoch  Bharoti oxem bhogpi nhoi. Hanv dor ekleak Goenkarak  ani Bharot bhor ho orz soi korunk ami bhienastana ulovnk porat’tam. Ami  jen’na eka tallean uloilear Nivoddnnukecho Aiog amkam aikotolo. Guneanvkar fuddareank na mhonnat