السلام عليكم 

نحن طلاب وخريجو الكليات التقنية الطبية بجميع اقسامها (  المختبرات الطبية او التحليلات المرضية سابقاً، تخدير، صناعة أسنان، علاج طبيعي، صحة مجتمع، بصريات، اشعة وسونار، ادلة جنائية)  نطالب كل من عنده ضمير وله قرار ان يساندنا في مطالبنا المشروعة وهي :

١_ التوصيف الوظيفي لأنه مهم من اجل اخذ الدور البارز للتقني الطبي في مجال عمله.. ليش شبيه التوصيف الي هسه موجود 

التوصيف الي هسه موجود ما يميز بين خريج البكالوريوس اي التقني الطبي او ابو المعهد او ابو الاعدادية (مع فائق الاحترام لكل الشهادات) كلها نفس الشغل؛ وهذا ظلم وما يخلي الشخص يطور نفسه.. ومحد يقبل بيه. 

٢_اضافة السنة الخامسة التكميلية وبيها احتمالات اما تكون سنة بحثية مثل الدبلوم العالي او ستاجير عملي بالمستشفى او تكون دراسية 

هاي راح تضمن تميزنا وتخلينا مهن طبية مو صحية مثل ما هسه احنا  ، غير الرصانة العلمية .

٣_استحداث الدراسات العليا للماجستير والدكتوراه او البورد ( كما في بورد التمريض ) داخل العراق وكلٌ حسب اختصاصه لتجنب السفر خارج العراق .. لان للأسف ماكو ماجستير ولا دكتوراه  لأغلب اقسام الكلية التقنية الطبية 

ليش يابه وحد شو كل الكليات بيها دراسات ليش احنا من دون الناس، حتى ابو المعهد ما اله واهس يكمل كلية تقنية يكلك وبعدين شو الشغل نفسه ولا اكو دراسات ولا شي. 

٤_ تمييز الطلبة الأوائل بالتجسير الى كلية الطب او الأسنان او الصيدلة، ليش الأول من كلية العلوم بايو، كيمياء و الطب البيطري يحقله يجسر واحنا لا 

مع انه الكلية التقنية الطبية تدرس مواضيع طبية بحته و أعلى من الاقسام المذكوره. ليش هيج تسوون إحباط حتى الي يريد يطلع اول ما تخلوله واهس. 

٥_  نقابة خاصة بالتقنيين الطبيين، عددنا كلش كبير ونستحق نقابة خاصة تطالب بحقوقنا واتابع مشاكلنا. 

 

وفي النهاية نحتاج تكاتف الجهود من قبلكم لأنكم انتم صناع القرار 

والشكر موصول لكل من ساهم وبادر من اجل نيل حقوق هذه الشريحة المظلومة .

اذا كنت من التقنيين الطبيين وتطالب بهذه الحقوق

نرجو من ممثلين الاقسام التقنية الطبية التواصل عبر المعرف

 

#معا_لنيل_حقوق_التقنيات_الطبية