Երկար տարիներ է Հանրային հեռուստաընկերության ` Առաջին Ալիքը մեր բյուջեի հաշվին մասնակցում է Եվրատեսիլ երգի մրցույթին։ Այս մրցույթի համար ծախսվում են տասնյակ հազարավոր դոլարներ։ 

Ներկա իրավիճակում ոչ միայն անընդունելի ենք համարում 2021 ին կայանալիք մրցույթին նախապատրաստվելը և մասնակցելը, այլև պահանջում ենք ընդհանրապես հրաժարվել մրցույթից։

Այդ խնայած գումարով պետությունը կարող է օգնել պատերազմում վիրավորված զինվորներին, զոհվածների ընտանիքներին,  ինչպես նաև անտուն մնացած բազմաթիվ արցախցիներին։

Որպես ՀՀ քաղաքացի և հարկատու, ես հրաժարվում եմ վճարել այս մրցույթի համար:
Այս հնացած մրցույթը որևէ դրական ազդեցություն չի թողել և չի թողնում Հայաստանի իմիջի վրա: Այն որևէ կապ չունի հայկական մշակույթը ներկայացնելու հետ: Եվրոպայում մոռացել են էս մրցույթի գոյության մասին։

Խնդրում և պահանջում ենք հանրային հեռուստաընկերությունից այլևս դադարել բյուջեից տրամադրած գումարի մսխումը և հրաժարվել այս մրցույթից ։