Madami ang tumututol na mailibing si dating pangulong Marcos sa libingan ng mga bayani dahil sa martial law. Karamihan sa kanila ay napaniwala lang sa black propaganda ng media laban sa mga Marcos at walang alam sa totoong dahilan kung bakit dineklara ang batas na ito. Ang martial law po ay dineklara na may pagsangayon ang majority ng mga mambabatas sa congreso at senado. Layunin nito na mapigilan ang pagkalat ng komunismo sa bansa natin dahil ang mga katabi nating bansa katulad ng Vietnam, Cambodia, Laos, Malaysia at Indonesia ng panahong yon ay nagkaroon ng mga madugong civil war at nasa mahigit 4 million tao na ang namamatay. Tanging ang Pilipinas lamang noon ang may pinakakonting casualties ng lumaganap ang komunismo sa Southeast Asia kaya pinuri ng ibang bansa ang pamamaraan ni Marcos noon para malabanan ang komunismo . Ginaya nila ang pamamaraan na ito kaya nagdeklara din ng Martial Law ang mga katabi nating bansa.

Madami ang nagtatanong kung bakit daw nagkaroon ng NPA, akala nila yun ay dahil sa pangaapi ng gobyerno katulad ng mga pinapalabas sa pelikula. Mali po yun! wag kayo magpaloko sa media, ang CPP-NPA o mga komunista ay isang idolohiya katulad ng Marxism, Lennism, Stalinism at Maoism. Ang pangunahing isinusulong nila ay ang pagkapantay pantay ng estado ng bawat tao sa lipunan, walang mahirap o mayaman kaya madaming sumasapi sa kanilang grupo kahit nga mga pari nahikayat nila tulad nila Padre Balweg at Luis Jalandoni. Hindi lang po ang Pilipinas ang tinamaan ng idolohiyang ito halos lahat ng bansa sa buong mundo ay tinamaan ng radicalism na ito. Nasa 75 million na tao ang namatay dahil sa paglaganap ng Komunismo sa Asia lang. Death toll ayon sa The Black Book of Communism na isinulat ng mga European academics (65 million sa China, 3.5 million sa Korea, 2.4 million sa Cambodia at 1.8 million sa Vietnam, 500 thousand sa Indonesia). Ang sumuporta lang naman kay Joma Sison/CPP-NPA sa pagpapalaganap ng komunismo sa Pilipinas ay si Mao Zedong, ang pinakamaraming pinapatay sa kasaysayan (49-78 million deaths).

Marahil kung hindi nag deklara si Marcos ng martial law ay magkakaroon din tayo ng civil war at milyong milyong pilipino din ang mamamatay. Pagnagkataon pang nagtagumpay ang mga rebelde tulad ng nangyari sa Vietnam at Laos ay tiyak na magiging komunistang bansa din tayo. Kaya dapat nating pasalamatan si pangulong Marcos dahil sya ang tunay na nagtangol sa ating demokrasya.

Bakit nga ba noong martial law, yung mga sundalo pa natin ang pinasama ng media at yung mga komunista ay pinagmukha nilang bayani? Una sa lahat di magkakroon ng martial law kung hindi dahil sa mga komunista na walang awa kung pumatay ng mga inosenteng tao. Para mapasama nila ang imahe ng martial law at ni pangulong Marcos, ibintang ng media sa mga sundalo ang lahat ng pangaabuso at pagpatay na ang may kagagawan naman ay ang mga komunista. Ganitong klase ang pamumulitika ng mga dilaw, 30 years na nilang niloloko ang taong bayan pati si Ninoy na nahatulan ng korte ng parusang kamatayan dahil sa pakikipagtulungan sa mga komunista ay ginawa pa nilang bayani. Di natin maitatangi na may mga ilang sundalo talaga ang umabuso din pero bakit si Marcos lang ang kinasuhan nila ng human rights violation? Bakit di nyo din kasuhan sina Satur Ocampo at ang mga komunista? Kung yung mga sundalo nga ang may kasalanan bakit di nyo din kasuhan sina Enrile at Ramos? Bakit si Ramos na syang namumuno noon sa Philippines Constabulary na inaakusahan ng mga pangaabuso noong martila law ay ang ganda ng imahe sa media kaya naging presidente pa? Dahil ba sa naging kakampi na sya ng mga dilaw? Halatang halata na puro pamumulitika lang ang inaatupag ng dilaw na gobyerno natin at ng media na hawak ng oligarkiya.

Lahat na yata ng kasamaan sa mundo ay ibinintang ng media kay pangulong Marcos para sa political black propaganda ng mga dilaw, elitista at mga oligarchs. Kung sinasabi nilang magnanakaw si Marcos eh bakit lahat ng kaso isinampa ng gobyerno laban sa kanila ay naipanalo nila? Nasa 900+ na kaso na ang naipanalo na ng mga Marcos at hindi birong manalo dito kung wala kang sapat na mga dokumento na magpapatunay na hindi sila nagnakaw dahil hindi basta ordinaryong tao ang kalaban nila dito kundi gobyerno ng Pilipinas. 30yrs ng tumagal ang kaso pero hangang ngayon wala pang naipapanalong kaso ang gobyerno o PCGG.Nililinlang ng media ang taong bayan sa pagbabalita nila na may mga naipanalo ng kaso ang PCGG para patuloy na maniwala ang mga mamamayan na corrupt si pangulong Marcos. Ang isang halimbawa nito ay ang ibinalita noong 2013 na nanalo daw ang gobyerno para pagbayarin ang mga Marcos sa mga martial law victims of human rights violation. Ito ay malaking kasinungalingan dahil ang sinasabi nilang ipinanalo ay ang Republic Act 10368 (Human Rights Victims Reparation and Recognition Act of 2013) na isa lamang senate bill. Kahit anung batas na gustohin ni Pnoy ay maipapasa nya dahil kakampi nya ang majority ng mambabatas sa senado at kongerso. Di ba kayo nagtataka kung bakit 2013 lang yan naipasa after 27 years at mismong sa termino pa ni Pnoy. Yung mga binabalitang mga narecover daw ay puro kasinungalingan lang ng PCGG dahil ang totoo nyan ay sapilitan nila itong kinukuha katulad ng mga alahas ni Imelda. Uulitin ko po para malinaw "wala pa pong kaso na naipanalo ang gobyerno na magpapatunay na nagnakaw si Marcos" kaya nga ang nakalagay sa balita ay palaging may ALLEGED ill-gotten wealth.

Ang inutang ni Marcos ay paulit ulit na binabangit ng media para tumatak sa isip ng bawat pilipino na ito ang dahilan kung bakit patuloy na naghihirap ang ating bansa. Kung aaplyan ng inflation rate at purchasing power pararity ang kabuohang utang ng Marcos admin ay lalabas na nasa 1.3 trillion pesos lang at wala pa ito sa kalahati ng halagang inutang ni Pnoy sa loob lamang ng 5 taon nyang panunungkulan. Sa kasalukuyan nasa 6.4 trillion pesos na ang kabuohang utang ng Pinas at nasa 4.16 trillion pesos dito ang kay Pnoy lamang na utang kaya naman binansagan siya na biggest loan addict. Wala pa sa 1/3 ang kay Marcos kung ikukumpara sa utang ni Pnoy pero makikita nyo naman na ang daming napagawang proyekto ni Marcos. Saan napunta ang inutang ni Pnoy? Anung mga proyekto ang pinagastosan nya nito? Bakit di ito binabalita ng mga tv networks?

Anu nga ba ang mga nagawang proyekto ng mga Aquino at sobra ito kung makapanglait kay Marcos? Sa panahon ni Marcos madaming pagaaring negosyo ang gobyerno, katulad ng mga Power Plants, Meralco, NAPOCOR, PLDT, PNOC, Petron, NAWASA, MWSS, LWUA, TV stations, PNR, LRT, SLEX, NLEX, BNPP at PAL na noon ay pinakamalaking airlines sa Asia. Sa mga income generating projects na katulad nito nanggagaling ang halos lahat ng panggastos ng gobyerno noon at kahit gaano pa kalaki ang utangin natin sa World Bank ay tiyak mababayaran natin dahil may sariling income ito. Pagupo ni Cory ipinamigay nya ang mga pagaaring ito ng gobyerno sa kanyang mga kamaganak at kaalyado sa pulitika. Pagupo upo naman ni pnoy ultimo mga public schools, hospitals at mga banko na pagaari ng gobyerno ay isinasapribado na. Parang enutil na ang kasalukuyang gobyerno natin na umaasa na lang sa TAX ng taong bayan. Di pa nakuntento gumawa pa ng batas na VAT na nagpamahal sa mga produkto at nasundan pa ito ng EVAT na lalong nagpahirap sa mga mamamayan. Parang si Juan Tamad na nakahiga at naghihintay na lang malaglag ang bayabas sa bibig nya. Isipin nyo na lang yung mga sumasahod ng 20k pataas ay parehas lang kay Henry Sy ang percentage ng income TAX na binabayaran. Ang masama pa, ang TAX na pinagpawisan ng ating mga kababayan ay kukurakotin lang ng mga pulitiko.

Hangang kailan tayo magpapaloko sa media? Ang daming mali sa kanilang binabalita. Katulad na lang sa martial law na pinapalabas nila na kung di daw nangyari ang EDSA di matatapos ang martial law, eh January 1981 pa lang inalis na ito ni Marcos kaya nga malaya silang nakapagmartsa sa EDSA noong 1986. Siguro naman nasaksihan nyo din kung paano siniraan si President Duterte ng TV media ngayong 2016 eleksyon na kung wala sigurong socila media ay siguradong bagbagsak kaagad ang rating nya. Dahil sa social media din unti unti ng namumulat ang sambayanang pilipino sa mga totoong pangyayari noong panahon ni pangulong Marcos.

Sino ba talaga ang totoong nag malasakit sa bayan natin? Si marcos ba talaga ay masama o kagaya din sya ni Abraham Lincoln na noong panahon nya ay itinuring syang diktador ng mamamayang amerikano at sya ang sinisisi sa pagsiklab ng civil war. Noong inassassinate sya itinuring pang bayani yung pumatay sa kanya pero nagdaan ang ilang panahon narealize ng mga amerikano na kung hindi dahil kay lincoln malamang walang tinatawag na united states ngayon. Kaya nabaliktad ang sitwasyon si lincoln ang itinuturing na isa sa pinakamagaling na presidente at may pinakamalaking monumento sa US. Na kung hindi dahil sa kanya walang bansang united states ngayon. Ganyan din sa atin, panahon na lang ang makapagsasabi kung sino talaga ang lider na bayani at lider na traydor. Madalas ang sumusulat ng kasaysayan ay ang mga nagtagumpay, pagnagtagumpay ka sa pakikipaglaban tawag sayo ay bayani pero pagnatalo ka tawag sayo rebelde or traydor.

Bago kayo mag desisyon sa pag sign ng petition na ito basahin nyo po muna ang nasa link sa ibaba para lubusan nyong maintindihan ang mga totoong pangyayari noong panahon ni pangulong Marcos. Thanks

https://drive.google.com/file/d/0B4G1ja7A8fDyUzdHN1UwUW5kLVk/view