Ang Isports sa Pilipinas ay isa sa mga aktibidad na ating pinahahalagahan sa ating kinagisnang kultura bilang isang Pilipino. Sa pagtagal ng panahon ay marami ng mga isports ang nailunsad sa publiko at patuloy itong namamayagpag hanggang ngayon tulad ng volleyball, softball, soccer, football at marami pang iba.

Ang paglunsad ng "E -Sports" o electronic sports sa Pilipinas ay nagdulot ng malaking ingay sa ating bansa, ang e sports ay ang paggamit ng makabagong teknolohiya upang maisagawa ang naturang laro gaya ng Dota 2, NBA2k19, at Mobile Legends na maaring maisama sa palarong pambansa.

Wala namang masama sa pagkakaroon ng bagong trend sa isports sa pamamagitan ng makabagong teknolohiya ngayon ngunit sana ay maalala natin at patuloy na mapayaman ang mgaa tradisyunal na isports sa ating bansa.

Ang Petisyon na ito ay magsisilbing instrumento upaang maiparating sa Philippine Sports Commision na isulong muli ang pagsasagawa ng mga tradisyunal na isports sa ating bansa na minsan ng sumikat sa hindi lamang sa bansa kundi sa buong asya. Makakatulong din ito sa mga dating manlalaro na muling makapaglaro at mabigyan ng pagkakataon na makapagdala ng karangalan sa ating bansa.