PETISYON NG MAMAMAYAN NG BALER “PETISYON NG PAGTUTOL SA PAGPAPAGAWA AT PAGGAMIT NG DATING AURORA MEMORIAL HOSPITAL (AMH) BILANG PROVINCIAL QUARANTINE FACILITY NG LALAWIGAN NG AURORA”.

PETISYON NG MAMAMAYAN NG BALER;

Petisyon ng (10) SAMPUNG Punong Barangay sa Sangguniang Bayan ng  Baler na ito naman  ay kanilang sinangayunan;

Ang Sangguniang Bayan ay nagkaroon  ng isang, Resolusyon No. 089-2020, Hunyo 17, 2020, “KAPASYAHANG NAGPAPAHAYAG NG PAGSUPORTA SA MGA PUNONG  BARANGAY NG BAYAN NG BALER SA KANILANG PAGTUTOL NA GAWING ISANG QUARANTINE FACILITY ANG DATING AURORA MEMORIAL HOSPITAL (AMH) NA NATATAYO AT MATATAGPUAN SA BARANGAY 05, POBLACION, BALER, AURORA”.

Ang AMH po ay malapit sa Pamahalaang Bayan ng Baler, Quezon Park, ito ay sentro ng komersiyo, simbahan, eskwelahan, mga tindahan at mga tahanan, magkakaroon po ito ng malaking epekto sa kalusugan at kaligtasan ng ating mga mamayan lalo na sa lokasyon ng naturang proyekto.

Sa amin pong pagkaka-alam ang pagtatayo ng mga Pasilidad (Provincial/Municipal/City Special Care Facilities and Isolation Units o Quarantine Facilities) na ganito ay hindi dapat sa mataong lugar, hanggat maari po hindi po sa populated area. Ayon na rin sa pag-aaral ng iba’t-ibang institusyon medical at gobyerno sa iba’t ibang bansa ang pagtatayo nito ay hindi dapat sa lugar “accessible” sa publiko.

Sa Interview kay Secretary Roy Cimatu ng DENR noong Hunyo 30, 2020, ika-12:05 ng tanghali, “Kasi iyong isolation buildings nila rito, karamihan ang mga eskuwelahan ay ito ang ginamit nilang isolation centers. Itong eskuwelahan naman nasa gitna ng barangay ito, so sinu-suspect ko talaga na dito nanggaling iyong mga pagkalat ng sakit sa mga barangays, itong isolation centers dito sa gitna ng barangay mismo.

So ang aking pinaplano ay ilabas ito, out of the barangays, naghahanap ako ng medyo malayu-layo, malapit sa dagat, iyong puwede silang paglagyan muna. In the meantime, ang quarantine at saka itong mga isolation cases ay papapuntahin ko sana  sila doon sa lugar na iyan as soon as possible. In fact, nakakita na ako ng lugar dito sa may NOAH, ang tawag nila ay NOAH building, operated by the city government.”

Bakit hindi na lang po sa dalawang boundary natin itayo ang Provincial Quarantine.

MAMAMAYAN NG BALER