Cənab Prezident, bu kampaniyanı başladan doktorant və dissertantlar, ilk öncə, Dövlət İmtahan Mərkəzinin doktorantura ilə bağlı qəbul və minimum imtahanlarının keçirilməsini təqdirə layiq hal kimi qiymətləndiririk. Bu praktika bütün yüksək inkişaf etmiş ölkələrdə mövcuddur. Lakin hazırda bu sahədə bir sıra boşluqların olması da biz doktorant və dissertantlara böyük çətinliklərlə üzləşməyə səbəb olur. Belə ki, dörd il ərzində tədqiqat aparan namizəd böyük səylər göstərir, istər məlumatların əldə edilməsi, istər böyük elmi kitabxanalarda müxtəlif eserlerin araşdırılması və tədqiqat sahəsində işlərin aparılması buna misal ola bilər. Həmçinin gənc alimlərin ailə qayğıları, sosial rifahının tənzimlənməsi üçün əmək fəaliyyəti ilə bağlı cəhdləri də əlavə yük olaraq qeyd edə bilərik. Belə ağır qayğılar ilə üzləşən gənc alimlərimiz hazırda doktoranturanın minimum imtahanının çətinliyi ilə üzləşir. Hətta artıq ikinci imtahandan qəbul olunanların faizi olduqca aşağıdır. Bu qədər problemlərlə üzləşən doktorantlar əlavə B2 (Upper intermediate) səviyyəsini illərlə oxuması tədqiqatının aparılmasına böyük maneə olur. Minimum üçün qəbul imtahanında bir sıra çətinliklər doktorantların bu imtahanda yüksək nəticə əldə etməsini imkansıza çevirir.

1. II müzakirə mətninin çox uzun və çətin olması onu oxuyub başa düşmək və namizədin fərdi müzakirəsinə imkan vermir. Vaxt həddindən artıq azdır.

2. Minimum balının yüksək həddə təyini illərlə vaxt aparacaq hazırlığın olmasını tələb edir.

3. İmtahana keçid üçün ödənilən məbləğin (90 AZN) həddindən artıq çox olması.

Cənab Prezident və müraciətin göndərildiyi bütün sahələrdə ona baxan yüksək rütbəli dövlət məmurları, Sizlerden xahişimiz aşağıdakı həll yollarının reallaşmasına kömək etməyinizdir:

- Minimum imtahanı üçün 35 təyin edilmiş balın 30-a endirilməsi;

- 2-ci mətnin çətinliyi və uzunluğunu nəzərə alaraq imtahan müddətinin 120 dəqiqəyə (2 saat) qədər artırılmasını təmin edilməsi;

- Xarici dil biliyinin qiymətləndirilməsi ilə bağlı imtahan vaxtının əvvəlcədən (1 ay qalmış) bəyan edilməsi;

- İmtahana daxil ediləcək mövzuların (dinləmə və oxuma) öncədən siyahısının dərc edilməsi;

- İmtahan üçün ödəniləcək məbləğin (90AZN) endirilməsi.