O pobo galego leva moito tempo cangando cun discurso ficticio e interesado que intenta borrar a memoria histórica e busca a permanencia do establishment das forzas autonómicas en detrimento da vontade xeral do pobo. Este discurso, prolongado desde tempos do partido único, pregoa a existencia dunha vila que recibe o nome de Bertamiráns no corazón da comarca de Santiago, unha vila que non existe e que, en cada elección, dálle a vitoria a concelleiros do PP baixo a máscara do PSOE para macelar a oposición e colocar o Partido Popular entre as forzas maioritarias no resto do país.

É evidente o uso desta invención desde o bipartito para pór o PP no goberno, evidenciado pola investidura de Santiago Amor Barreiro no 2011, seguida polo PSOE, con José Miñones Conde, nado en Santiago (nin sequera Ames) e José Blas García Piñeiro (boirense, nada que dicir).

Desde a Gaiteira Antibertina demandamos a liberación da activista Nia Meme dos cárceres do Estado, detida inxustamente por facer uso do seu dereito de expresión para denunciar a mentira sobre a existencia de Bertamiráns, e non cesaremos a nosa actuación política até que se recoñeza a inexistencia de Ames como concello.