CNF te Zogam ah liason office neih ding vai leh, CNA ngalkap te Tedim, Matupi, Paletwa Township sung a om khuano te ah, utbang gamtat theihna ding kumpi kiang ah ngetna nei uh hi. Tua tawh kisai , lungkim lo ki om a hih man in, tua alung kim lo khem peuh pangkhawm a, Kawl kumpi kiang ah, lungphona lai kipia ding hi.

CNF/A te ih gam ih lei ah a om uh ciang in, sumbawl te kiang Mizoram a nektawm zong te kiang pan in a sum ngah sunsun uh a deihzahzah uh ngen in, a pia zolo, a pia nuamlo/zolo te a vuakgawp leh a kaplup uh zong tamp om hi. Zogam khuano te ah  ih vokno akno khawi a utbang un ong laksak uh a, khuami te kiang pan in sum ong dong uhi. I tanu tapa naupang te , utlo pi in, amau sawltak sila ding in , ong matsak uhi.

Tua bang ih tuahkik ding ki deih lo hi. Tua ahih man in, siatna ong tun ma in panlak na ki nei ding hi. Nang zong, mipi tawh kalsuan khawm ding in, nong ki thawi ding deih in, na min, leh na omna, a kisam nasakbang in na ngelh beh in. Kawlgam sung a om, upa ten laingelh ding uh a, President Thein Sein kiang ah na pia ding hi. Kawl kumpi kiang a , lungkimlohna lai a kikhakna ah, nang min zong kihel ding na phal leh "Sign" kicina pan in na min na guang in.