Ao BNG do Barco preocúpanos profundamente que a nosa vila non teña Casa da Mocidade. Vilas máis pequenas como Curtis ou Chantada xa teñen este tipo de instalacións, o que fai que nos preguntemos por que nós non. As Casas da Mocidade son espazos vitais para o desenvolvemento e crecemento persoal e social dos mozos e mozas da nosa comunidade.

As estatísticas mostran que as Casas da Mocidade poden ter un impacto significativo no benestar xeral e no desenvolvemento persoal e profesional da mocidade (fonte: xuventude.xunta.es). Estes espazos ofrecen oportunidades para actividades recreativas, educativas e culturais; música, gaming, graffiti, pintura, etc promovendo así un ambiente saudable e inclusivo.

Por iso, solicitamos ao goberno local do Barco que faga unha solicitude á Xunta de Galicia para ter na nosa vila unha Casa da Mocidade. Cremos firmemente que esta incorporación beneficiaría moito á nosa mocidade local.

Únete a nós nesta petición. A túa sinatura pode marcar a diferenza para os mozos e mozas da nosa vila.

Podes deixar as túas ideas no seguinte link: https://docs.google.com/forms/d/1r1M3vl4fsgOaJyU17c9kej5PxqLgQ0a6kRU_XtIFr1A