A Xunta de Galicia, a través da Consellería de Sanidade ven de pechar o centro de saúde de Barbantes Estación, no concello ourensán de Cenlle, deixando a centos de veciños das inmediacións sen atención sanitaria e obrigándoos a desprazarse máis de 12 quilómetros para recibir asistencia sanitaria.

Cunha poboación envellecida, que en moitos casos non conta con medios propios, o peche supón un duro revés, xa que terán que recurrir a taxis ou incluso mobilizar a familiares no seu horario laboral para que poidan ser atendidos.

Reclamásmoslle a Xunta de Galicia e o Servizo Galego de Saúde que cesen no seu empeño de recortar a Sanidade no rural. O que acontece no Concello de Cenlle é un exemplo máis das políticas de recorte e desmantelamento na sanidade pública galega. Un novo golpe mortal a vida no rural, que sofre unha grave crise demográfica, cunha poboación e a falta de xente moza. Co desmantelamento sanitario, a vida no rural é máis complexa e non invita a asentar poboación.

Os socialistas e algún outro grupo político xa denunciaron a situación e tócanos a todos facer forza.

NON Ó PECHE DO CENTRO DE SAÚDE DE BARBANTES ESTACIÓN (CENLLE, OURENSE)