Kontributi i Izet Asllanajt në dokumentimin fotografik të historisë, kulturës dhe jetës shoqërore të Mallakastrës është i jashtëzakonshëm dhe meriton vlerësimin e duhur. Për shumë dekada, Izet Asllanaj ka qenë një vrojtues i palodhur i jetës së komunitetit tonë, duke dokumentuar çdo ndryshim, ngjarje apo moment historik nëpërmjet fotografive të tij të cilat kanë zbuluar një dritë të re mbi pasurinë e trashëgimisë sonë kulturore. Në punën e tij, ai ka kapur jo vetëm bukurinë dhe diversitetin e peizazhit të Mallakastrës, por edhe shpirtin e njerëzve të saj, duke bërë që kujtimet të ruhen për brezat e ardhshëm.

Kërkojmë që Izet Asllanajt t'i akordohet titulli "Qytetar Nderi i Mallakastrës", në mënyrë që të vlerësojmë punën e tij të palodhshme dhe pasionin për ruajtjen e historisë tonë. Ky vlerësim do të sigurojë që kontributi i tij të mos harrohet dhe që brezat e ardhshëm të mund të kuptojnë dhe të vlerësojnë më mirë rrënjët dhe zhvillimin tonë kulturor.

Basohet në dëshira të zjarrta nga ana e qytetarëve të Mallakastrës, që puna e Izetit të vlerësohet publikisht, ky titull do të pasqyronte mirënjohjen e një komuniteti të tërë për të gjithë punën që ai ka bërë gjatë gjithë viteve. Ai ka sjellë një afrim dhe kuptim më të thellë të vetë identitetit tonë përmes foografive të tij artistike dhe historike.

I ftojmë të gjithë qytetarët e Mallakastrës dhe dashamirësit e kulturës dhe historisë sonë që të na bashkohen në këtë iniciativë për t’i dhënë Izet Asllanaj nderimin që meriton. Ju lutemi, nëse vlerësoni trashëgiminë tonë dhe dëshironi që puna e tij unike të njihet, na mbështesni duke nënshkruar këtë peticion. Nuk është vetëm një vlerësim për punën e Izetit, por një mënyrë për të mbrojtur dhe për të ruajtur të kaluarën tonë për të ardhmen. Nënshkruani peticionin për t’i dhënë zërin tuaj këtij qëllimi të rëndësishëm.