SALVEMOS A PRAIA DA MADALENA- Cedeira - Galiza: Sobran argumentos legais, técnicos, ecolóxicos, e éticos (como demostraremos) para se faga o ESTUDO DE AVALIACIÓN AMBIENTAL antes de facer calquera tipo de actuación na praia.

NON queremos que se volvan a tirar ao mar os cartos públicos para que os temporais desfagan todo cada inverno. Pensamos que hai outras alternativas e que unha ría coma a de Cedeira, declarada reserva mariña, non pode baixo nengún concepto, ser obxecto de experimentos de Costas avalados pola visión curtopracista dun Concello que só ve na praia un lugar onde tomar o sol no verán. Nós vemos un ecosistema a rexenerar e un patrimonio natural recuperable, non só para os cedeirenses, senón para toda Galiza e todos aqueles que defendan a necesidade de coidar a pouca natureza que aínda pode ser restaurada polo bencomún e polo medio ambiente.

APOIA, ASINA, COMPARTE ESTA PETICIÓN. Estarás facendo algo positivo polo respecto da natureza, da terra, da nosa esencia.