Vit vilja við hesum heita á Smyril Line um at betra umstøðurnar hjá ferðafólkum at ferðast við hundi umborð á Norrønu. 

Vit eru greið yvir, at umborð er rúm við búrum til hundar, men vit meta hetta als ikki er nøktandi fyri hundar ið dagliga eru hjá sínum eigarum. T.d. er túrurin millum Danmark og Føroyar alt ov drúgvur til, at hundarnir skulu vera í búrum í tímavís og eigarin einans kann hava hundin á dekkinum. Hundar, ið eru vanir at vera hjá eigarum sínum gerast sera strongdir, og í fleiri førum kann hetta skaða atferðina hjá hundinum, eins og hann kann gera fysiskan skaða á seg sjálvan, orsakað av strongd.

Vit eru fleiri, ið kundu hugsað okkum at ferðast við bili og havt okkara hundar við, tá umstøðurnar uttanlanda á hotellum, matstovum, kafé o.l. eru betraðar munandi seinastu árini.

Vit vilja tí hervið heita á Smyril Line, um at seta kømur av, har hundar kunnu verða saman við sínum eigarum.