Jan sitiyasyon peyi a ye a, pwoblèm ensekirite, chomaj, ak anpil lot , anpil moun vle kite peyi a chache yon ti lapè epi gade koman yo ka evolye, ki donk yon viza imanitè nan moman malerezman se yon bagay ke anpil ayisyen ap reve. Nan lide pou ede, gouvenman brezilyen an deside kontyne bay viza imanitè ak ayisyen men malerezman yo pa gen kob pou achtel nan men IOM HAITI.  

Malerezman anbasad Brezil la pa gen kapasite lojistik pou trete tout demand yo, jan l te konn fè sa avan. Nan lide pou ede pwosesis la mache pi byen IOM HAITI vin responsab tretman dosye yo epi bay randevou. Randevou sa yo pa janm bay, pa janm rive sou moun ki bezwen l yo. chak IOM HAITI anonse randevou,  pa janm gen yon moun ki jwenn, epi ajan kap travay nan IOM HAITI yo deside vann randevou yo, depi plizyè ane se konsa. 

Jodia sitiyasyon peyi a vin pi difisil sou tout pwen, se pou sa nou deside aji kont enjistis sa ke IOM HAITI avèk ajan l yo ap fè, epi mande gouvenman brezilyen atravè  @Policia Federal ouvè yon ankèt epi pote yon solisyon ak koripsyon kap fèt nan pwosesis viza imanitè a.