PETICION KOMBËTAR: SHQIPËRI E RE = KUSHTETUTË E RE

Për një Kushtetutë të Re, Demokraci Pjesëmarrëse dhe Shtet të Mirëqenies

Drejtuar: Popullit e Kombit Shqiptar 

Pse po e bëjmë këtë peticion?

Prej dekadash, zëri i qytetarit shqiptar është lënë në hije. Ne, qytetarët e këtij vendi, jemi të bashkuar në vullnetin tonë për t'u ndarë përfundimisht nga ky regjim oligarkik që ka përqendruar pushtetin dhe pasurinë në pak duar.

Koha ka ardhur për të ngritur një shtet demokratik dhe të mirëqenies, të ndërtuar mbi themelet e një Kushtetute të Re. 

Ne kërkojmë t'i kthejmë sovranitetin popullit dhe të ndërtojmë një të ardhme ku Shqipëria punon për qytetarët e saj, jo për oligarkinë vendase e atë globalitariste.

Kërkesat tona Themelore:

Përmes këtij peticioni, ne kërkojmë hartimin dhe miratimin e një Kushtetute të Re që garanton këto 7 shtylla kryesore:

 1. Fuqizimi i Qytetarit mbi Partitë: Reduktimi monopolit të partive politike në jetën publike dhe rritja e fuqisë së qytetarëve në vendimmarrje të drejtpërdrejtë.

 2. Referendume: 

Bërja e detyrueshme e referendumit popullor për çdo ndryshim të Kushtetutës, si dhe për miratimin e ligjeve me rëndësi strategjike dhe jetike për vendin.

 3. Kufizim i Pushtetit:

(Maksimumi 2 Mandate): Ndalimi i riciklimit politik duke kufizuar në vetëm dy mandate (të njëpasnjëshme ose jo) detyrën e Deputetit dhe të Kryetarit të Bashkisë/Komunës.

 4. E Drejta e Shkarkimit Popullor: Krijimi i mekanizmit të "Shkarkimit Popullor" (Recall), i cili u jep qytetarëve të drejtën të shkarkojnë zyrtarët e lartë të zgjedhur përpara mbarimit të mandatit, nëse ata humbasin besimin e popullit ose shkelin interesin publik.

 5. Përfaqësimi i Diasporës:

Krijimi i një Dhome të Dytë të Parlamentit (psh. Senati), e cila do të përbëhet ekskluzivisht nga përfaqësues të Diasporës shqiptare, duke i dhënë atyre zë dhe fuqi reale në zhvillimin e atdheut.

 6. Ekonomi Prodhimi dhe Mirëqenie:

Braktisja e modelit të dështuar të një ekonomie importi. Shteti duhet të marrë një rol aktiv në promovimin, mbrojtjen dhe subvencionimin e bujqësisë dhe industrisë shqiptare, për të hapur vende pune dhe për të rritur mirëqenien.

 7. Hapa drejt Bashkimit Kombëtar: Realizimi i menjëhershëm i bashkimit ekonomik dhe monetar me Kosovën, si hapi përfundimtar drejt Bashkimit Kombëtar.

KUSH DUHET TA PËRKRAHË KËTË NISMË: 

QYTETARËT SHQIPTARË QË DUAN NJË SHTET DHE EKONOMI QË PUNON PËR TË GJITHË QYTETARËT

KUSH NUK E PËRKRAH KËTË NISMË:

1. MILITANTËT E PS-së SEPSE KËRKON RRËZIMIN E QEVERISË RAMA

2. MILITANTËT E PD-së, SEPSE NUK LEJON RIKAPJEN E SHTETIT NGA BERISHA

3. VEGLAT E SOROS-it QË DUAN KONTROLLIN DHE QARKULLIMIN E TË NJËJTA ELITAVE

 Thirrje për Veprim

Ndryshimi nuk vjen nga ata që përfitojnë nga status quo-ja. Ndryshimi vjen nga **NE**

Duke nënshkruar këtë peticion, ju bëheni pjesë e lëvizjes qytetare për të çliruar Shqipërinë nga interesat e ngushta oligarkike dhe për të vendosur një sistem ku drejtësia, ekonomia dhe ligji funksionojnë për të gjithë shqiptarët.

Nënshkruaj tani dhe shpërndaje me familjen dhe miqtë tuaj! E ardhmja e Shqipërisë është në duart tona!

♡♡♡ Komento e shto idetë e tua për pasurimin e projektit për një Kushtetutë të Re për Shqipërinë e Re!

#TiJeNe

Fotoja  e Nenes Shqiperi, krijuar nga A. Sulaj

https://drive.google.com/file/d/18ZXYC6ldngZOKncL9yo_d0lXXROYJjdU/view?usp=sharing 

  Peticioni ne pdf per tu stampuar e shperndare qytetareve

Këto janë vetëm 7 pika por Propozimet më të Plota i gjeni këtu:

1. https://drive.google.com/file/d/1bCEqdlHksbKqv82MDJeulB_ZBi1fPZtR/view?usp=drivesdk

2. https://drive.google.com/file/d/1l9Zi1n70vZbkw2abZjgI4HISHML4vSqn/view?usp=drivesdk