A Plaza do Humor da Coruña, un proxecto comezado a principios dos 90, creouse para rememorar aos grandes clásicos do humorismo tanto galego como internacional.

Recentemente veñen de engadirse varias figuras do ámbito galego como complemento aos clásicos Castelao ou Cunqueiro, así incorporáronse talentos xóvenes como Luís Piedrahíta ou Pablo Brandariz.

Cremos que sería de xustiza engadir a Xesús (Chichi) Campos, un destacado humorista (escritor, debuxante e pioneiro en programas de humor da TVG) que por riba medrou na cidade herculina, onde foi un dos pioneiros en publicar e expoñer banda deseñada en galego. 

Este é un momento perfecto para incluílo pois coincidiría coa estrea dun documental sobre a súa figura e unha exposición retrospectiva que se presentará na Fundación Luís Seoane da Coruña.