PETICION
Drejtuar Kryeministrit të Shqipëria, Edi Rama dhe Ministrit për Evropën dhe Punët e Jashtme, Ferit Hoxha

Ne, qytetarët shqiptarë të Maqedonia e Veriut, shprehim shqetësimin tonë lidhur me informacionet për largimin e mundshëm të ambasadorit Denion Meidani.

Pas shumë vitesh, shqiptarët në Maqedoninë e Veriut kanë ndjerë praninë e një ambasadori që ka qenë afër qytetarëve, ka komunikuar drejtpërdrejt me komunitetin shqiptar dhe ka treguar interes real për problemet, sfidat dhe të drejtat e shqiptarëve këtu.

Ne besojmë se zëri i shqiptarëve jashtë kufijve të Shqipërisë nuk duhet të dobësohet dhe as të heshtet. Përfaqësimi diplomatik duhet të jetë në funksion të mbrojtjes së interesit kombëtar dhe forcimit të lidhjeve me shqiptarët kudo që jetojnë.

Prandaj kërkojmë:

Transparencë lidhur me çdo vendim për largimin e ambasadorit;
Ruajtjen e një përfaqësimi aktiv dhe dinjitoz të shqiptarëve në Maqedoninë e Veriut;
Vlerësimin e punës dhe angazhimit që ambasadori Denion Meidani ka treguar ndaj komunitetit shqiptar.
Shqiptarët në Maqedoninë e Veriut meritojnë të kenë një zë që i dëgjon, i përfaqëson dhe i mbështet.