Qytetarët e Prishtinës nuk kan nevojë për xhami të reja as për kisha të reja. Xhamitë dhe kishat nuk sjellin përparim të shoqrisë. Ato sjellin prapambetje dhe kthim në ideologji dhe praktika të territ të mesjetës. Ato janë në kundërshtim të thellë me nevoja reale të shoqrisë, nevoja për arsimim të mirëfillt, modern dhe sekular si garanci për zhvillim dhe prosperitet. Xhamitë dhe Kishat nuk sjellin progres, nuk sjellin emancipim dhe nuk sjellin shlirim të energjive krijuese të bazuara në shkencë dhe mendje krijuese të njeriut të përparuar. Xhamitë dhe kishat nuk e promovojnë barazinë gjinore, nuk e promovojnë lirinë krijuese, as atë mendore dhe shpirtrore të njeriut, por i kthejnë në skenën e shekullit 21 ideologjitë, mendësinë dhe praktikat e mesjetës së errët. Kishat dhe xhamitë sjellin topitje të mendjes dhe shpirtit të njeriut. Kishat dhe xhamitë e promovojnë injorancën me rezultat final prapambetjen dhe skllavërinë e njeriut i cili nga natyra është i krijuar për të qenë ndërtimtar dhe krijues i lirë! Prandaj, për një grusht vota mos lajkatoni me klerin dhe me besimtarët e manipuluar nga kleri, por bëni atë që është në duart e juaja për ta bërë. Merrni vendimin historik në të mirë të popullit dhe të shoqërisë: Për hirë të paqës dhe të mirëqenjës të fëmijëve dhe të pasardhësve tanë, MOS E LEJONI NDËRTIMIN E EDHE NJË KULTI TË TERRIT RELIGJIOZ; NDALONI NDËRTIMIN E XHAMISË SË RE NË LAGJËN ULPIANA NË PRISHTINË!