Me iniciativë popullore, ne emigrantët shqiptarë përmes këtij peticioni, i kërkojmë Kuvendit të Republikës së Shqipërisë të drejtat tona të pamohueshme politike, mundësimin e votimit jashtë territorit të republikës, për zgjedhjet e përgjithshme si dhe për referendume në të gjitha ambientet e mundëshme që diplomacia shqiptare disponon, si dhe mundësinë për të votuar me postë apo edhe nëpërmjet platformave elektronike.

Mbi të drejtat e garantuara nga Kushtetuta e Republikës së Shqipërisë i kerkojmë gjithashtu Kuvendit të disponojë në mënyrë të përhershme 14 vendet e rezervuara për deputetët përfaqësues të qytetarëve shqiptarë me banim të përkohshëm ose të përhershëm jashtë kufijve të republikës shqiptare.

Kushtetuta e shtetit shqiptar garanton:

Neni 8

• Republika e Shqipërisë mbron të drejtat kombëtare të popullit shqiptar që jeton jashtë kufijve të saj.
• Republika e Shqipërisë mbron të drejtat e shtetasve shqiptarë me banim të përkohshëm ose të përhershëm jashtë kufijve të vet.
• Republika e Shqipërisë u siguron ndihmë shtetasve shqiptarë që jetojnë e punojnë jashtë shtetit për të ruajtur e për të zhvilluar lidhjet me trashëgiminë kulturore kombëtare.

Neni 45 i kushtetutës së shtetit shqiptar ndër të tjera garanton:

• Çdo shtetas që ka mbushur tetëmbëdhjetë vjeç, qoftë edhe ditën e zgjedhjeve, ka të drejtën të zgjedhë dhe të zgjidhet..