Pinipilit ng ilang mga korporasyon at pulitiko na sundin ng publiko ang pagbabawas sa physical distancing sa mga pampublikong sasakyan. "Public clamor" daw itong 0.75 metro hanggang 0.3 metrong bawas-distansya.

Ang tunay na hinihingi ng mga mamamayan ay pabalikin sa pasada ang higit 30,000 nating mga tsuper na napipilitang mamalimos sa kalsada dahil pinagbabawalan pa silang bumiyahe.

Ang tunay na hinihingi ng mga mamamayan ay magkaroon ng sapat na masasakyan kung saan hindi namin kailangang maghintay nang matagal o kaya nama’y maglakad nang malayo para lamang makauwi nang lagpas-alas-onse sa bahay. 

Ang tunay na hinihingi ng mga mamamayan ay bumalik sa aming mga pamilya na pagkain ang dala, hindi sakit. 

Ang tunay na hinihingi ng mga mamamayan ay matapos na itong pandemiya’t kami'y malayang makapaghanapbuhay, makapag-aral, at makapiling ang mga mahal namin sa buhay nang walang pangamba. 

Ang tunay na hinihingi ng mga mamamayan ay kami ang pakinggan, sa halip na ang aming employers at mga pulitikong hindi naman nararanasan ang araw-araw na hirap ng isang komyuter.

Ito ang panawagan namin sa mga malalaking negosyante’t mga pulitikong nagpupumilit na bawasan ang physical distancing: Hinahamon namin kayong magcommute hanggang Oktubre. Pagdaanan niyo sa 30 araw ang epekto ng tinutulak niyong polisiya sa amin. 

------

Kung sang-ayon ka sa panawagang ito at naniniwala ka na sa #IsangMetroLigtasTayo, pirma na po!

IMPORTANT NOTICE. Your donations DO NOT go to us. They go to Change.Org who uses the donated money to advertise the petition to more potential signatories