კორონაპანდემიამ უკიდურეს გაჭირვებაში ჩააგდო ჩვენი მოსახლეობა. პანდემია შეეხო ყველა სოციალურ ფენას. თითქმის არ არსებობს ოჯახი, რომლის  ერთი წევრი მაინც არ დარჩა უმუშევარი, არ შეუჩერდა ბიზნეს - საქმიანობა და არ  შეუმცირდა შემოსავალი. 

მათ შორის, ვისაც პანდემიამ განსაკუთრებული პრობლემები შეუქმნა არიან სტუდენტები. უმუშევარი და შემოსავლის გარეშე დარჩა ბევრი სტუდენტი, მათ შორის, ვინც დასაქმებული იყვნენ მომსახურების სფეროებში. ეკონომიკური კრიზისი შეეხო მათ ოჯახებს, ისინი ვეღარ უზრუნველყოფენ შვილებისთვის სწავლის გადასახადს, რაც მათ ამ პირობებში, როგორც ფინანსურ, ასევე ფსიქოლოგიურ ტვირთად დააწვათ.  

სტუდენტის სტატუსი შეჩერებული აქვს 35 ათას სტუდენტს. 

ჩვენ გამოვდივართ ინიციატივით, სახელმწიფომ 2020-2021 სასწავლო წელს  სწავლის გადასახადისგან სრულად გაათავისუფლოს სახელმწიფო უმაღლესი სასწავლებელების ყველა სტუდენტი,  რადგან  პრემიერ-მინისტრის ინიციატივა სტუდენტების დაფინანსებასთან დაკავშირებით შეეხო მხოლოდ გარკვეული კატეგორიის სტუდენტებს.

"რეფორმერის" ინიციატივით სახელმწიფოს მიდგომა ყველა სტუდენტთან მიმართებით, რომ იყოს სამართლიანი პანდემიის პირობებში ყველა სტუდენტს უნდა დაეფაროს სწავლის გადასახადი 2250 ლარის ოდენობით. 

სახელმწიფომ უნდა უზრუნველყოს სწავლის გადასახადის გადახდა   ბიუჯეტიდან. ბიუჯეტს აქვს რესურსი, რომლის ამ მიმართულებით გამოყენებაც უნდა მოხდეს.

შეავსეთ პეტიცია და მხარი დაუჭირეთ "რეფორმერის" ინიციატივას.

რეფორმერის შესახებ მეტი ინფორმაციისთვის, ეწვიეთ ჩვენს ოფიციალურ ვებ-გვერდს: www.reformer.ge