অনলাইন গণ-আবেদন / PETITION
পলাশবাৰীত মানৱ–বন্যপ্ৰাণী সংঘাত প্ৰশমন আৰু হাতী ব্যৱস্থাপনা প্ৰকল্প স্থাপনৰ দাবী

প্ৰতি,
ড° বিনয় গুপ্ত, IFS
প্ৰধান মুখ্য বন সংৰক্ষক (বন্যপ্ৰাণী) আৰু মুখ্য বন্যপ্ৰাণী সংৰক্ষক, অসম
অসম বন বিভাগ
অৰণ্য ভৱন, পাঞ্জাবাৰী
গুৱাহাটী – ৭৮১০৩৭, অসম

বিষয়: পলাশবাৰী সমষ্টিত মানৱ–বন্যপ্ৰাণী সংঘাত হ্ৰাস, হাতী কৰিডৰ সংৰক্ষণ আৰু স্থানীয় ৰাইজৰ সুৰক্ষাৰ বাবে এক বিশেষ প্ৰকল্প গ্ৰহণৰ দাবী।

মাননীয়, মহোদয়

পলাশবাৰী সমষ্টিৰ বহুতো গাঁও আৰু কৃষিভূমি বনাঞ্চল আৰু বন্যপ্ৰাণীৰ চলাচলৰ অঞ্চলৰ সৈতে সংলগ্ন। বিশেষকৈ বনৰীয়া হাতীৰ চলাচলৰ ফলত বহু সময়ত স্থানীয় কৃষক আৰু ৰাইজে শস্যৰ ক্ষতি, ঘৰ-বাৰী আৰু সম্পত্তিৰ ক্ষতি, গৃহপালিত পশুৰ ক্ষতি আৰু মানুহৰ জীৱনৰ প্ৰতি ভাবুকিৰ সন্মুখীন হবলগীয়া হয়।

মানুহ আৰু বন্যপ্ৰাণী দুয়োটাৰে সুৰক্ষা নিশ্চিত কৰাৰ বাবে কেৱল তাৎক্ষণিক ব্যৱস্থা গ্ৰহণ কৰাই যথেষ্ট নহয়। ইয়াৰ বাবে বৈজ্ঞানিক তথ্য, হাতীৰ চলাচলৰ পথৰ মানচিত্ৰ, আগতীয়া সতৰ্কবাণী, দ্ৰুত সঁহাৰি ব্যৱস্থা, হাতী কৰিডৰ সংৰক্ষণ, কৃষক সহায় আৰু স্থানীয় ৰাইজৰ অংশগ্ৰহণৰ ওপৰত ভিত্তি কৰি এক দীৰ্ঘম্যাদী ব্যৱস্থা প্ৰয়োজন।

সেয়েহে আমি পলাশবাৰী সমষ্টিৰ ৰাইজৰ হৈ অসম বন বিভাগৰ ওচৰত তলত উল্লেখ কৰা দাবীসমূহ উত্থাপন কৰিছোঁ।

আমাৰ দাবীসমূহ
১. পলাশবাৰী সমষ্টিত এক বিস্তৃত মানৱ–বন্যপ্ৰাণী সংঘাত সমীক্ষা তৎকালীনভাৱে সম্পন্ন কৰা।

২. হাতীৰ প্ৰধান চলাচলৰ পথ, পৰম্পৰাগত হাতী কৰিডৰ আৰু সংঘাত প্ৰৱল অঞ্চলসমূহ বৈজ্ঞানিকভাৱে চিনাক্ত আৰু GIS-ভিত্তিক মানচিত্ৰ প্ৰস্তুত কৰা।

৩. পলাশবাৰীত এটা বিশেষ “Human–Wildlife Conflict Response Mechanism” স্থাপন কৰা।

৪. সংঘাত প্ৰৱল প্ৰচাৰে গাঁওসমূহৰ বাবে বন বিভাগৰ তত্বাৱধানত দ্ৰুত সঁহাৰি দল (Rapid Response Team) শক্তিশালী কৰা।

৫. হাতীৰ আগমন সম্পৰ্কে স্থানীয় ৰাইজক আগতীয়াকৈ সতৰ্ক কৰাৰ বাবে উপযুক্ত Early Warning System স্থাপন কৰা।

৬. বৈজ্ঞানিক মূল্যায়নৰ ভিত্তিত সৌৰশক্তি চালিত বেৰ, উপযুক্ত বাধা আৰু অন্যান্য প্ৰতিৰোধমূলক ব্যৱস্থা গ্ৰহণ কৰা।

৭. হাতীৰ পৰম্পৰাগত কৰিডৰ আৰু বন্যপ্ৰাণীৰ বাসস্থান সংৰক্ষণ তথা পুনৰুদ্ধাৰৰ বাবে বিশেষ ব্যৱস্থা গ্ৰহণ কৰা।

৮. ক্ষতিগ্ৰস্ত কৃষক আৰু পৰিয়ালসমূহক চৰকাৰী ক্ষতিপূৰণ লাভৰ ক্ষেত্ৰত সহায় কৰিবলৈ সহজ আৰু স্বচ্ছ ব্যৱস্থা সৃষ্টি কৰা।

৯. আহত বা বিপদগ্ৰস্ত বন্যপ্ৰাণীৰ বাবে প্ৰশিক্ষিত উদ্ধাৰ আৰু পশু চিকিৎসা ব্যৱস্থা শক্তিশালী কৰা।

১০. পুনৰাবৃত্তিমূলকভাৱে সংঘাত সৃষ্টি কৰা কোনো নিৰ্দিষ্ট হাতী বা বন্যপ্ৰাণীৰ ক্ষেত্ৰত বৈজ্ঞানিক মূল্যায়ন কৰি, প্ৰয়োজনীয় আৰু আইনীভাৱে অনুমোদিত হলে বিশেষজ্ঞৰ তত্বাৱধানত উদ্ধাৰ, ধৰা বা স্থানান্তৰৰ ব্যৱস্থা গ্ৰহণ কৰা।

১১. স্থানীয় গাঁওসমূহত হাতীৰ সৈতে নিৰাপদ সহাৱস্থান, বন্যপ্ৰাণী আইন, জৰুৰীকালীন ব্যৱস্থা আৰু ক্ষতিপূৰণ সম্পৰ্কে নিয়মীয়া জনসচেতনতা কাৰ্যসূচী অনুষ্ঠিত কৰা।

১২. পলাশবাৰী সমষ্টিক অসমত বৈজ্ঞানিক আৰু সমন্বিত মানৱ–বন্যপ্ৰাণী সংঘাত প্ৰশমন ব্যৱস্থাৰ এটা পাইলট এলেকা হিচাপে বিবেচনা কৰা।

আমাৰ আবেদন
আমি বিশ্বাস কৰোঁ যে হাতী আৰু অন্যান্য বন্যপ্ৰাণী অসমৰ প্ৰাকৃতিক ঐতিহ্যৰ এক গুৰুত্বপূৰ্ণ অংশ। একে সময়তে, বন্যপ্ৰাণী প্ৰৱল অঞ্চলত বসবাস কৰা কৃষক আৰু সাধাৰণ ৰাইজৰ জীৱন, সম্পত্তি আৰু জীৱিকাৰ সুৰক্ষাও সমানেই গুৰুত্বপূৰ্ণ।

সেয়েহে আমি অসম বন বিভাগ আৰু অসম চৰকাৰক পলাশবাৰীৰ পৰিস্থিতি গুৰুত্বসহকাৰে পৰ্যালোচনা কৰি ওপৰত উল্লেখ কৰা দাবীসমূহৰ ভিত্তিত “পলাশবাৰী মানৱ–বন্যপ্ৰাণী সংঘাত প্ৰশমন আৰু হাতী ব্যৱস্থাপনা প্ৰকল্প” গ্ৰহণ আৰু ৰূপায়ণ কৰাৰ বাবে বিনম্ৰভাৱে অনুৰোধ জনাইছোঁ।

আমি এই দাবীৰ সমৰ্থনত স্বাক্ষৰ কৰিছোঁ।
নাম: __________________________

গাঁও/অঞ্চল: ____________________

মোবাইল/ই-মেইল: ____________________

তাৰিখ: _________________________

ডিজিটেল স্বাক্ষৰ: ✅

“মানুহৰ সুৰক্ষা আৰু বন্যপ্ৰাণীৰ সংৰক্ষণ—দুয়োটাই আমাৰ দায়িত্ব।”