2020-2021 оны хичээлийн жил сургалтын төлбөр нэмэгдээгүй. Гэсэн хэдий ч айл өрх бүр их, бага хэмжээгээр эдийн засгийн хувьд хүндхэн нөхцөл байдал байгаа учраас төлбөр тойрсон олон асуудал тулгарч байна.

• Дийлэнх оюутнууд төлбөрийн дарамтанд орж байгаа нь гарцаагүй. 
• Сургуулиас олгогддог кредитийн урамшууллын нийлээдгүй хэд нь зогссон.
• Хичээл онлайнаар орох гэж байгаа нь танхимын сургалттай ижил үнэлэгдэх нь зөв үү?/ Онцгой байдал хэдийг хүртэл сунгагдахыг бид мэдэхгүй. Дахиад л өмнөх шигээ сунгагдаж явсаар энэ улирал дуусвал, оюутнууд бид л хохирно./
• Курс ахих тусам төлбөр багасна гэдэг ч нэмэгдсээр л ирсэн. Яагаад?
• 2019-2020 Оюутны хөгжлийн зээл авсан боловч баталгаажаагүй, сургалтын төлбөрийн өртэй болсон оюутнуудын асуудал

Дээрх шалтгаануудаас үүдэн төлбөрийн асуудлыг сургуулийн удирдах зөвлөл дахин авч хэлэлцээсэй гэсэн үндсэн дээр өргөдөл, хүсэлт шат дараалалтайгаар өгөхөөр бэлдэж байна. Оюутны эрх бүхий байгууллагууд энэ асуудлаар олонтой дуугарсан ч авч хэлэлцээгүй гэх юм, яагаад ? Сургууль бидэнд хариу өгөх ёстой! Оюутнууд бид нэгдэж чадвал сургуульдаа ямар өөрчлөлт хийж болдгийг өмнө нь хэд хэдэн жишээ нь дээр харж байсан. Энэ нь цаашлаад төлбөрөөр зогсохгүй, хэрхэн яаж зарцуулагддаг? ямар шинэчлэлт өөрчлөлт гарсан гээд  олон асуултын зангилааг гаргах тул идэвхтэй оролцоно уу гэж хүсэж байна.

Энд цуглуулсан мэдээллийг өргөдөл, хүсэлтэнд бидэнтэй санал нэгдэж байгаа гэдэг хувиар хавсралт болгон ашиглана. /Өөр бусад шалтгаанаар ашиглахгүй болно/

Бидний хувьд оюутны ямар нэг байгууллагад хамаардаггүй, саналаараа нэгдсэн оюутнууд болно.