БЗД 1-р хороо РЦНК баруун урд талд байрлах шороон талбайг Цэцэрлэгт хүрээлэн болгох шийдвэр олон удаа батлагдсан ч 10 гаруй жил өнгөрсөөр ойр хавийн газар зарагдаж ногоон байгууламж, хүүхдийн тоглоомын талбай, хог, зогсоолын асуудлаа шийдээгүй орон сууц баригдаж, сул байгаа алга дарам газруудад зөвшөөрөлгүй барилгын хашаа босгоод олон жил болоод байна. Тухайн хоосон шороон хонхорхой болсон газарт ойр хавийн барилга байгууламж шороо барилгын хогоо асгадаг болоод их удаж байна. 

Нийслэл Улаанбаатар хотын иргэд бид "Рояал Кастл" хотхоны хашааны хойдох шороон талбайг ногоон байгууламж бүхий цэцэрлэгт хүрээлэнтэй болох горидлогыг үе үеийн дарга нар амлалтаа өгч бидний санал авдаг боловч олон жил боллоо. 

Тухайн шороон талбайгаар ойр хавийн хүүхэд залуучууд цэцэрлэг, сургууль, ажилдаа алхаж явдаг чухал үүрэгтэй зам юм. Гэвч, энэ шороон замаар ойр хавийн машинууд зам товчилж уралдаж давхиад шороо ихээр босгож явган хүмүүсийн болон хажуу хотхоны оршин суугчидын эрүүл мэндийг ихээр хохироож байгаа юм. 

БЗД 1-р хорооны иргэд бид болон нийслэл Улаанбаатар хотын иргэд бид яг энэ талбайд цэцэрлэгт хүрээлэнтэй болгоно гэсэн амлалтыг шийдвэр гаргагч дарга нараасаа шаардаж байна.

РЦНК баруун урд шороон талбайд хуучин байсан Цэцэрлэгт хүрээлэнг сэргээж засварлах нь Улаанбаатар хотын экологи , үзэмж, хотын иргэд настан хөгшчүүл үр хүүхэд бидний сэтгэл зүй бие бялдарын эрүүл мэндэд цааш цаашдаа хойч ирээдүйдээ өндөр үнэлгээтай хөрөнгө оруулалт гэдэг нь маргаангүй асуудал.

Тиймээс бид Монгол Улсын ерөнхийлөгч, нийслэл Улаанбаатар хотын дарга болон холбогдох шийдвэр гаргадаг албны дарга нараас тухайн газар барилга барих зөвшөөрлүүдийг цуцлаж иргэдэд мод тарьж ногоон байгууламжын ажилыг эхлүүлэхийг дэмжиж, амалсан амлалтаа биелүүлэхийг шаардаж байна!