ჩვენ, საქართვველოს მოქალაქეები, მოვითხოვთ საქართველოს მთავრობის, საერთაშორისო ინსტიტუტების და არასამთავრობო ორგანიზაციების დაუყოვნებლივ და აქტიურ ჩართვას ზაზა გახელაძის, ბუთხუზ კვირკვიას, მიხეილ და მათე ლამანძიების, ხვიჩა მღებრიშვილის და გენადი ბესტაევის გათავისუფლებაში რუსი ოკუპანტების ტყვეობიდან.

მოვითხოვთ, აამოქმედონ მათ ხელთ არსებული ყველა ბერკეტი ამ მიზნის უახლოეს მომავალში მისაღწევად, ისევე, როგორც ექიმ ვაჟა გაფრინდაშვილის შემთხვევაში, როდესაც მისი ტყვეობიდან დასახსნელად გაერთიანდა საზოგადოება, საერთაშორისო ინსტიტუტები, დიპლომატიური კორპუსი და მედია, სახელმწიფო ვალდებულია იმოქმედოს სწრაფად და ეფექტურად.

საქართველოს კონსტიტუციის მიხედვით საქართველოს სახელმწიფო ვალდებულია იცავდეს მოქალაქეების  უფლებებსა და თავისუფლებებს განურჩევლად მათის ადგილსამყოფელისა (მუხლი 13).

მოვითხოვთ საქართველოს ხელისუფლებისაგან მათი მოვალეობის შესრულებას რუსეთის ტყვეობაში მყოფი საქართველოს მოქალაქეების მიმართ.