Шовинистичката и негаторска политика на официјална Бугарија со скандалозна провокација врз Македонците и Македонија.
На одбележувањето на 118 години од смртта на македонскиот великан Гоце Делчев, бугарската амбасада на пост на фејсбук се пофали дека положила цвеќе на гробот на Гоце Делчев, со наратив дека истиот е бугарски револуционер. Ова во нормална држава веднаш би предизвикало реакција, па дури ако нема извинување би следело и прогласување на амбасадорот за “непожелна личност”, “persona non grata” и негово протерување од Македонија.

Бараме од претседателот Стево Пендаровски итна реакција за ваквиот деградирачки чин кон еден од најголемите македонски револуционери од страна на бугарскиот амабасадор. Потсетуваме дека претседателот Пендаровски веднаш реагираше за случајот со запалено бугарско знаме во Вевчани и побара да се санкционираат сторителите.

Доколку Пендаровски одбие да го осуди ваквиот чин, тогаш македонската јавност ќе го смета за соучесник во штетните политики на бугарските власти спрема македонскиот народ.