(Обновено - декември, 2018)

Ние, граѓаните на Република Македонија, бараме итна и неотповиклива оставка на Претседателот на Република Македонија Ѓорге Иванов, заради неговото континуирано противуставно и недржавничко однесување од типот: (1) Инкриминираност во терористичкото загрозување на уставниот поредок на РМ во настаните на 27 април 2018 во Собранието на РМ; (2) Недавање поддршка на процесот на решавање на спорот со името со Република Грција; (3) Поттикнување на говор на омраза помеѓу македонската и албанската заедница во РМ и помеѓу граѓаните на Македонија и Грција; (4) Блокирање на интеграцијата на Македонија во ЕУ и НАТО.

(Оригинална верзија - април, 2017)

Ние, граѓаните на Република Македонија, бараме итна оставка на Ѓорге Иванов од позицијата Претседател на РМ. Ѓорге Иванов го крши Уставот и ја турка Македонија во нестабилност и немири со спречувањето на мирен трансфер на власта.

Го потсетуваме Иванов дека во САД Хилари Клинтон освои три милиони гласови повеќе од Доналд Трамп, меѓутоа тој освои повеќе претставници во "electoral college", телото кое го изгласува претседателот. Замислете што ќе се случеше доколу Претседателот Обама не дозволеше мирен трансфер на власта!

Сметаме дека со оставката на Иванов ќе се овозможи мирен трансфер на власта и ќе се смири меѓуетничката тензија која Иванов ја подгрева со неговото недржавничко и неуставно однесување. Новиот Претседател на Собранието би бил вршител на должност Претседател на РМ и ќе го додели мандатот на новото парламентарно мнозинство.