Kam shpenzuar shumë para për mjetin tim personal, dhe as pa asnje paralajmërim apo arsye të ligjshme, m'u sekuestrua. Nuk është e drejtë që ne, qytetarët, të shohim investimet tona të zhduken në mënyrë të padrejtë dhe arbitrare nga autoritetet.

Po ndodhin shumë raste të sekuestrimit të skuterave, monopatëve dhe citycoco-ve, të cilat janë mjete transporti thelbësore për shumë prej nesh. Kjo praktikë nuk përputhet me ligjin dhe është kundër kushtetutës. Vjedhja e këtyre mjeteve është në rritje dhe po i lëmë të pandëshkuar, çka do të thotë se nesër mund të jenë pasuritë e tjera të qytetarëve që do të humbasin.

Kjo është një krizë që kërkon vemendje urgjente dhe veprime konkrete. Ne kërkojmë nga autoritetet lokale dhe qeveria të ndalojnë menjëherë këto praktika dhe të respektojnë të drejtat e qytetarëve për të poseduar dhe përdorur mjetet e tyre private. Shteti duhet të sigurojë mprojtje ligjore për pronat personale.

Të ftojmë të gjithë qytetarët, të cilët kanë përjetuar pa drejtësi të ngjashme ose që janë të shqetësuar për të ardhmen e transportit të tyre, të na bashkohen në këtë kërkesë për t'i dhënë fund një here dhe përgjithmonë kësaj vjedhjeje sistematike. Nënshkruani këtë peticion për të mbrojtur të drejtat tona dhe për të bërë një ndryshim të vërtetë. Zëri juaj është i rëndësishëm.