(Texto en castellano) ​(English version)

A Xunta de Galicia na orde de 25 de Xuño, modificada o 22 de Xullo prohibe calquer actividade físca ou deporte non federado en interior, obrigando ao peche de ximnasios, centros deportivos, centros e escolas de Pilates, Yoga e calquer tipo de ensinanza física que non sexa formativa, é dícir eses centros onde se fan actividades desas que nos levan decindo moito tempo que son beneficiosas para a saúde. Olvidan que a Comisión de Cultura e Deporte do Congreso dos Deputados, no mes de Febreiro declarou a "Actividade Física e Deporte como “Actividade Esencial” por ser e ter un claro beneficio para a saúde das persoas que o practican, facendo énfasis na súa esencialidade desde o contexto da pandemia sanitaria da COVID-19".

O comité de expertos e o presidente da Xunta, Alberto Núñez Feijóo equiparan as restriccións da actividade física coas do ocio nocturno, obviando completamente os datos de contaxios, máis ben non contaxios, nos centros deportivos, que é ínfimo.

Nestes centros hai que manter en todo momento a distancia interpersoal, temos o aforo reducido ao 50% non se quita a máscara en ningún momento, as actividades dirixidas fanse en agrupacións de 6 persoas que entre sí tamén manteñen a distancia de seguridade sen sobrepasar o 50% do aforo, e o material utilizado desinféctase tras cada uso, entre outras medidas. A incidencia de contáxios é mínima, pero ao pasar a máximo nivel de restriccións prohíbese directamente a actividade física e deportiva en interior, o que é claramente discriminatorio comparado con outros sectores con moita maior incidencia de contaxios que permanecen abertos. 

Pedimos que de forma inmediata se nos deixe traballar!!! polo menos en condicións non discriminatorias con respecto a outros sectores, xa que non temos maior incidencia de contaxios. 

Tamén pedimos que se revisen as medidas, xa que en moitas destas actividades, como Yoga e Pilates entre outras, non se está a  ter en conta que nin sequera existe desprazamento na aula, se non que cada alumna/o permanece na súa esterilla ou máquina en todo momento, non hai posibilidade algunha de contacto, polo tanto poderíanse equiparar ás medidas de outros sectores similares, como por exemplo as escolas de danza ou os centros de formación de profesores de ditas actividades, nos que se toma de referencia o aforo e a distancia. Para a Xunta de Galicia que haxa un monitor é o que determina que haxa que facer grupos de 6, se a mesma actividade se fixera sen supervisión simplemente habería que cumplir có aforo e a distancia. Porqué si mantemos a distancia de un en un, se nos considera una agrupación de persoas como si estivésemos sen distancia limitando as clases dirixidas a grupos de 6, incluso sen contacto do monitor? ¿É a profesora/profesor ou monitor/a máis contaxioso que un/a médico/a, fisioterapeuta, camareira/o, caixeiro/a de supermercado, dependente dunha tenda...?

Por se os datos, de non contaxios, non son suficientes, invito aos expertos da Xunta e ao Presidente Alberto Núñez Feijóo a visitar o meu Centro, calquer outro do gremio, ou un ximnasio e comprobar as medidas tomadas, os protocolos de entrada e saída das clases, o protocolo de desinfección etc. e despois que nos digan si realmente é máis perigoso ir facer Yoga, Pilates, ir ao ximnasio etc. que ir a un centro comercial ateigado de xente ou tomar unhas cañas, e por qué. Que nos digan en qué se basan para pechar estas actividades, e outras non.

Realmente da a impresión de que as autoridades que dictan esta Orde levan moito tempo sen pisar un centro de actividades físicas ou deportivas, e sen escoitar aos seus representantes, que levan tempo reclamando cambios, COLEF Galicia e outras entidades, a través da Plataforma galega pola defensa da Educación Física, a Actividade Física e o Deporte,  emitiron o 29 de Xullo de 2021 un comunicado que denuncia as medidas vixentes para o noso gremio, pódese ver na súa web e no seu twiter, no que din: "AS RESTRICIÓNS MÁXIMAS ÁS QUE SE SOMETE A PRÁCTICA DE ACTIVIDAD FÍSICA EN INTERIORES SON INCONGRUENTES... INXUSTAS... E DISCRIMINATORIAS...”.

Moitos centros e ximnasios xa levan semanas pechados, outros, como en Pobra do Caramiñal van polo cuarto peche, só en 2021. Na Mariña, como noutras zonas turísticas onde pasamos a nivel máximo esta semana pechamos a partir de hoxe, algúns quizáis non poidan soportar un peche máis, como tantos outros nesta pandemia, non hai axuda algunha prevista por parte da Xunta para estes peches por Concellos. Agora ao mellor estás de vacacións e nin pensas neso, nin te deche conta,  pero cando volvas á casa e queiras retomar esa clase do que sexa que tanto che gustaba, esa que che facía tan ben para a espalda, ou aquela na que o estrés se diluía, cando acabe o verán e teñas que resgardarte da choiva para correr ou andar en bicicleta etc. quizáis encontres unha porta pechada para sempre.

APOIA A NOSA PETICIÓN! FIRMA ! DIFUNDE !!!

FIRMA PARA AXUDAR AOS PROFESIONAIS DA ACTIVIDADE FÍSCA E ÁS NOSAS/OS ALUMNAS/OS

OS PRACTICANTES DE ACTIVIDADE FÍSICA E DEPORTIVA NON PROFESIONAL TAMÉN TEÑEN DEREITO A COIDAR A SÚA SAÚDE !!!