Bonswa chak grenn moun kap li petisyon an.

Nou remake kesyon dollars tounen biznis ki pi rentab nan peyi a jounen jodia, li monte chak jou pandan pouvwa achte nou ap desann chak jou. Yo fè nap viv nan yon ilizyon ke nou gen plis kob nan men nou poutan ki achte mwens bagay chak jou. Yap ba nou vinèg pou siro epi yo panse depi li gentan nan vant li oblije rete. Tout ayisyen konnen ki konsekans dollars genyen sou prodwi premye nesesite yo. Si nou te gen dola nou nan men nou yo pat janm monte lé yo vle se pa kesyon pwodiksyon kap pale se yon vòl òganize. Yo pa vle bay malere ak malerèz yo aksè ak dola. 

Se pou sa Nou pran desizyon pou nou egzije chak fwa nou rantre nan yon biwo transfè pou yo remèt lajan nou en dollars  ($) us jan fanmi nou voye li ba nou depi soti nan peyi etranje. Si yn biwo refize ba nou li oubyen pa gn dollars($) li dwe fèmen jiskaske li gn dollars pou li remèt kliyan. Chak grenn ayisyen ki siyen petisyon sa a aprouve mesaj la epi nap di yo tou ke sa se premye etap la si nou oa jwenn satisfaksyon nap pase nan etap siperyè.