O pasado mes de febreiro, o profesor Luciano Méndez da USC proferiu repetidos comentarios machistas contra unha alumna, diante dela e do resto do alumnado, chegando incluso a ameazala. Posteriormente, reafirmouse no seu discurso sexista en dous artigos publicados en La Voz de Galicia. A alumna, acompañada doutrxs compañeirxs, presentou unha denuncia ante a USC, que non tomou máis medidas que abrir unha investigación e, ante a mediatización do caso, aceptar a petición de cambio de clase que a alumna solicitara e lle fora denegada nun primeiro momento.

O 17 de marzo, un grupo do alumnado do Máster de Igualdade, Xénero e Educación asistiu a unha clase súa, quedándose en suxeitador para reivindicar o dereito a non ser discriminadas pola vestimenta nin polo xénero, para poder facerse oír públicamente e para loitar contra a inacción da USC.

Unha vez a acción saiu en prensa, a USC anunciou a apertura dun expediente
disciplinario ao profesor Luciano Méndez. Porén, el segue dando clases
normalmente, mentres a USC abre un expediente informativo e chama a declarar ao alumnado do Máster de Igualdade, Xénero e Educación.

O primeiro requisito para que se dea unha verdadeira “calidade docente” responde á transmisión dos valores da igualdade e da non discriminación, xa que os discursos de odio non poden ter cabida nin amparo dentro da universidade pública.

Polo tanto, esiximos a suspensión inmediata do profesor Luciano Méndez, como
medida preventiva durante o proceso que a institución esté levando a cabo, a
aceptación por parte da USC de calquera medida en relación co caso que a alumna discriminada decida, e o cese de medidas disciplinarias contra o alumnado consciente que denunciou esta situación. Ademáis, esiximos o cese de Luciano Méndez como medida sancionadora final por parte da USC.

CONCENTRACIÓN O LUNS 2 DE MAIO ÁS 12h
DIANTE DO REITORADO DA USC
(PRAZA DO OBRADOIRO)
VEN CO TEU TETEIRO CEIVE!