Na actualidade o 061 conta con 1 ambulancia en Moaña, 1 ambulancia en Cangas e 1 ambulancia en Bueu que están permanentemente ocupadas. Isto provoca retrasos graves na asistencia sanitaria urxente, sobre todo nas coñecidas emerxencias tempo-dependentes como o infarto, o ictus, etc. 

Non podemos permitir que as persoas do Morrazo se queden sen oportunidades de salvar a súa vida ou de minimizar as súas secuelas cando teñen unha emerxencia sanitaria.

Tampouco podemos permitir que cando se necesite contar co persoal sanitario dos PAC ou Centros de Saúde en casos de extrema gravidade como unha parada cardiorrespiratoria, teñan que acudir en taxis ou medios improvisados por falta de ambulancias.

Asina esta petición para que a Xunta dea marcha atrás na súa negativa e poña en servizo unha ambulancia máis para o Morrazo.

Nin unha soa morte máis por falta de oportunidades.