A'right troops, We hae a request for ye tae "Gie us oor ain Pokèmon". Aye we're a proud bunch ae folk n we dae take oorsels serious et times but maiste ae the time we like tae hiv a laugh. So we wullnae be offended wae sum ae the options ye can yase. We just wantae be able tae hunt fur an catch our ain Pokèmon, Ken whit we mean pal? Wans that yae kin only fin in Scotland. Yae could yase a few 'hings tae represent us.

• 1. A wild Haggis!!! (Since loads ae folk no fae Scotland Hink this is a real Highland beastie)
• 2. Nessie!!! (That's the big water beastie, av no seen it masel but a mate ae mine did, a can get yae a photie)
• 3. A Thistle!!! (It's no a weed, it's a Gorgeous flower, but it's offa jaggey n there is nae wie yea can pick wan like Wallace did oan the Braveheart film)
• 4. A Scottie Dug!!! (Ye ken the wans a mean, wee legs, long fur n a crackin' beard)
• 5. A Mouse!!! (tho maybe it's no a gid choice coz it's nothin but a Wee, sleekit, cow'rin, tim'rous beastie)
• 6. A Highland Coo!!! (This beastie is the coo wae big horns n awfa long hair)
• 7. A Tattie-Bogle!!! (basically a Scarecraw, yae ken its a hing that lucks like a person dressed in Auld Claes, it scares away the craws!!)

Feel free tae thro in sum Tartan an Bagpipes if ye hink it be gid.

We're talkin tae you folk et The Pokémon company, Nintendo,Niantic Inc and Google. We ken you hiv aw got sumhin tae dae wae the game.

So be a Gid yin, help us oot n "Gie us oor ain Pokèmon". Or we'll hiv tae get oor Nicola tae phone yae. She's a wuman that gets whit she wants n she'll dae onyhing fur us folk.

Ta pal, I'm aff tae Catch 'em All Noo. Catch ye!!!

Fae the folks at "Ayrshire PokèmonGo Trainers" facebook page. If you would like this petition to be translated into a more readable format just message us on Facebook.