Suportahan ang Security Guard sa Viral na Video ng Sampaguita Girl Sa isang malaking mall sa Metro Manila

Kami po ay nananawagan ng inyong suporta para sa isang security guard ng isang malaking mall sa Metro Manila na naging sentro ng kontrobersiya matapos kumalat ang viral na video kasama ang isang bata na nagbebenta ng sampaguita.

Sa video, maraming opinyon ang nabuo tungkol sa sitwasyon, ngunit marami ang hindi nakakaalam ng buong kwento o konteksto ng mga pangyayari. Sa halip na husgahan agad, naniniwala kami na ang bawat tao ay karapat-dapat sa makatarungan at patas na pagtrato, kabilang na ang mga manggagawang tulad ng ating mga security guards na araw-araw na nagtatrabaho para sa ating kaligtasan.

Huwag nating hayaang masira ang reputasyon ng isang manggagawa batay lamang sa isang bahagi ng kwento. Magkaisa tayo para sa katarungan at patas na pagtrato para sa lahat.

Kung naniniwala kang dapat bigyan ng pagkakataon ang bawat tao na marinig ang kanilang panig at makuha ang suporta na nararapat sa kanila, pirmahan mo na ang petisyon na ito. Sama-sama nating ipakita ang malasakit sa kapwa Pilipino!