Strætó er með í höndunum skýrslu frá vinnuhóp sem fundaði í sjö vikur um tilraunaverkefnið að leyfa gæludýr í strætó.
Með því að stofna þennan undirskriftalista viljum við sýna hversu margir vilja að þetta verkefni verði að veruleika.

Það eru öryrkjar, eldri borgarar og allskonar fólk sem lifir bíllausum lífsstíl af ýmsum ástæðum. Aðrir myndu vilja lifa bíllausum lífstíl en geta það ekki þar sem hundar þurfa reglulega að komast til dýralæknis, í snyrtingu eða lausahlaup. Að hafa þann möguleika að geta ferðast með gæludýrið í strætó myndi auðvelda mörgum sem glíma við kvíðaraskanir eða aðrar hömlur sem binda fólk við gæludýrin sín.

Almenningssamgöngur í nágrannalöndum okkar leyfa gæludýr í strætó og eru þar sérstakar ráðstafanir teknar fyrir asthma- og ofnæmissjúklinga. Tekið er tillit til þess í tillögum vinnuhópsins og hvetjum við stjórn Strætó til að ráðast í þetta tilraunaverkefni.