Zhepovë, më 29 mars 2022 

Stafit drejtues të Ministrisë së Arsimit dhe të Sportit 
të Republikës së Shqipërisë


Shkolla "Shefqet Nurçellari", Zhepovë, Përmet është një shkollë publike është bërë e papërdorshme. Kjo gjendje e saj ka ndikuar në shpopullimin e fshatit dhe në mohimin e të drejtave të fëmijëve për arsim e kulturë. 
Kujtojmë që Zhepova ka qenë fshati më i madh në rrethin e Përmetit.
Nëse nuk ruhet as shkolla e një fshati të madh, atëherë është e kuptueshme çfarë mund të ndodh me 100% të fshatrave në zonën e Përmetit, por edhe më gjerë dhe çfarë fati e pret vendin tonë Shqipëria.

Kryesia e shoqatës "Zhepova e bashkuar" i ka shkruar letër Ministrisë së Arsimit, duke i parashtruar gjendje, duke i kujtuar përgjegjësitë ligjore për të investuar në rikonstruksionin e saj dhe në funksionimin real të saj, në mbrojtje të të drejtave kushtetuese për arsim, edukim e kulturë të fëmijëve  të Zhepovës dhe duke krijuar kushtet e domosdoshme që shkolla të luajë rolin e saj si qendër komunitare. 

Fatkeqësisht nuk kemi asnjë përgjigje nga Ministria e Arsimit.
Për këtë arsye po i drejtohemi opinionit publik që të mbështesë këto kërkesa të shoqatës:

a) Të kryhet menjëherë inspektimi teknik i godinës 
b) Të hartohet plani i rikonstruksionit
c) Të miratohen fondet 
ç) Të realizohet rikonstruksioni
d) Të fillojë funksionimi i shkollës si qendër komunitare

Me respekt,
Këshilli Ekzekutiv i shoqatës "Zhepova e bashkuar" 

1. Augent Xhaferraj (Kryetar) 
2. Liljana Xhaferraj  
3. Xhelina Sadiku
4. Fatmir Sulaj
5. Fatos Shkurta
6. Fatri Nurçellari
7. Agim Kasaj 
8. Armando Harka 
9. Artur Shkurti 

Bordi i Mbikqyrjes Financiare
10. Ramiz Kamani 
11. Ilirjan Sedaraj 
12. Arben Harka