Karamihan ng mga estudyante sa kolehiyo ay humihinto dahil sa kakulangan ng pinansyal na pangtustos sa kanilang pag-aaral. Nararapat na bigyang pansin ng pamahalaan ang mga kabataang nais ipagpatuloy ang pag-aaral sa kolehiyo ngunit nakakaranas ng matinding hirap sa pagbabayad ng Tuition Fee. Ang pagkakaroon ng Libreng Tuition Fee ay magiging daan sa pagtaas ng antas ng Edukasyon sa ating bansa. Isa rin itong daan upang matulungan ang mga kabataang nais makapagtapos ng pag-aaral ngunit kapos sa pera. Tunay na magiging matagumpay ang bawat pilipino kung ito ay maipatutupad.