Kami po ang mga OFW na matagal nang hindi makauwi dahil sa hindi madaling paraan ng pag travel bunga ng COVID 19 na lumalaganap sa bansa.

Humihingi po kami ng tulong sa Senado, sa Department of Health, Sa IATF, Sa Dole at sa OWWA na sana ay:

• ma exempt ang lahat ng uuwing VACCINATED na mga OFW sa mahabang quarantine 

• magawan ng paraan na ma validate ang mga hawak naming Covid-free Certifications/ Vaccination certificates either by mandating all carriers na mag talaga ng tao sa boarding area/ pre-departure area na magcecertify ng aming dokumento as legit OR  have all consulates/embassies to certify it as true and legit vaccination certificate 

Sa ganito pong paraan, mas mahabang araw po ang magagamit namin kapiling ang mga mahal namin sa buhay sa halip na maubos ang  kalahati ng 30 days vacation leave namin sa loob ng quarantine facilities.

Malaking tulong din po ito para makabawas kami sa gastusin ng gobyerno dahil hindi na po kami gagastusan pa para mag hotel quarantine .

Makakatulong din po ito para sa ating mental health at para sa pamilya ng bawat OFW na matagal ng hindi nagkikita kita dahil sa pandemic.

Sana po ay maka abot sa inyo itong petisyon namin at magawan ang agarang solusyon.

Salamat po.