27 vite pas ndryshimeve politike në Shqipëri, vendi ndodhet në një udhëkryq. Partia Demokratike ka nisur një lëvizje popullore përmes një proteste non stop për t’i dhënë fund tranzicionit politik në Shqipëri.

Në Sheshin e Lirisë protestohet për krijimin e një republike të re shqiptare, e cila duhet të nisë nga garantimi i lirive politike të shqiptarëve me zgjedhje të lira dhe të ndershme. Përmes një qeverie të gjithëpranuar dhe teknike krijohen kushtet për zgjedhje të lira dhe të ndershme.

Hapja e këtij sipari, shënjon edhe shtrimin e rrugëve politike për themelimin e një republike të re shqiptare. Një republikë vlerash, e cila do ti japë fund kësaj gjendje morti dhe mungesë shprese për shqiptarët.

Ndaj, firmose edhe ti peticionin për një republikë të re, duke nisur nga një qeveri teknike për zgjedhje të lira e të ndershme që do të jenë themeli i një lëvizje të madhe për të krijuar republikën që meritojnë shqiptarët pas mbi 100 vjetësh në shtet të lirë dhe sovran.

I ka ardhur koha...