A Consellería de Educación da Xunta de Galicia quere suprimir unha praza de mestra de educación infantil no CEIP Vidal Portela de Pontevedra. As nosas crianzas perderían á que foi a súa titora os dous últimos cursos e non poderían terminar o ciclo de educación infantil con esta mestra, que está facendo con eles un labor marabilloso. 

Son un grupo de dezasete nenos e nenas con necesidades específicas moi diversas que, grazas ao excelente traballo profesional e humano desta profesora, presentan un gran nivel de cohesión e unha evolución moi favorable nas súas capacidades de integración e socialización. 

Solicitamos á Administración a continuidade de Marina Garrido para que poida finalizar o proxecto educativo coas nosas crianzas.