PETIÇÃO COLETIVA PARA TER EM VERIM O IDIOMA PORTUGUÊS NA OFERTA EDUCATIVA DA ESCOLA OFICIAL DE IDIOMAS.  

Somos um grupo de pessoas interessadas em nos inscrevermos em português na Escola Oficial de Idiomas de Verim e outras que apoiam esta petição, que já agora tem sido de longa data reclamada.

O nosso pedido sustenta-se em que:

• Vivemos numa vila fronteiriça com Portugal, na mesma raia, com uma grande relação económica e cultural entre os dois países.
• Suportamos em Verim um número cada vez maior de imigrantes de origem portuguesa e brasileira. 
• Temos o galego, o nosso idioma materno, que tem muitas similitudes com o português, tanto na sonoridade como gramaticalmente, o que facilitaria enormemente a sua aprendizagem, tal como reflecte a LEI 1/2014, de 24 de março, para o aproveitamento da língua portuguesa e vínculos com a Lusofonia na sua exposição de motivos.
• Possuímos as relações sociais, laborais, comerciais, lúdicas, culturais, etc, mais estreitas entre os dois países de toda a Península Ibérica, por colaboração, intercâmbios e interesse tal como define a LEI 1/2014, de 24 de março, para o aproveitamento da língua portuguesa e vínculos com a Lusofonia quando diz: «Portanto, para a melhoria do desenvolvimento social, económico e cultural galego, as autoridades devem promover todas quantas medidas sejam possíveis para melhor valorizar esta vantagem histórica.»
• Contamos com uma entidade única formada pela Câmara Municipal de Chaves e de Verim para atingir fins comuns a nível Europeu, a EUROCIDADE, que conta inclusive com um serviço de transporte próprio e gratuito para assistir a eventos culturais e comerciais ou mesmo a mercados locais, a cada lado da raia.
• Temos ainda também definido na LEI 1/2014, de 24 de março, para o aproveitamento da língua portuguesa e vínculos com a Lusofonia, que: «os poderes públicos galegos promoverão o conhecimento da língua portuguesa pelo carácter estratégico que para a Galiza têm as relações económicas e sociais no marco da Euro-Região Galiza-Norte de Portugal.» Portanto, para a melhora do desenvolvimento social, económico e cultural galego, as autoridades devem promover todas quantas medidas sejam possíveis para melhor valorizar esta vantagem histórica.
• Sabemos que estudar português proporcionará à população de Verim uma competência linguística e cultural, fundamental para a melhora das relações económicas e comerciais a ambos lados da raia. E o compromisso da LEI 1/2014, de 24 de março, para o aproveitamento da língua portuguesa e vínculos com a Lusofonia, é claro neste sentido: «O Governo galego incorporará progressivamente a aprendizagem da língua portuguesa no âmbito das competências em línguas estrangeiras nos centros de ensino da Comunidade Autónoma da Galiza.»  
• Consideramos que a população da Eurocidade Chaves-Verín deveria ter as mesmas oportunidades que EUROCIDADE Valença-Tui onde já têm a possibilidade de estudarem português na Extensão de Tui da EOI de Vigo desde há muitos anos. 
• Verificamos que o interesse da cidadania de Verim pelo conhecimento do português é cada dia maior.
• Conferimos também que a sede da EOI de Verim não está passando por um bom momento e a oferta de Português dar-lhe-ia um pulo importante pelo interesse que suscita o estudo dessa língua.
• Entendemos também que se pode estender este oferecimento ao sobretudo da LEI 1/2014, de 24 de março, para o aproveitamento da língua portuguesa e vínculos com a Lusofonia, às diferentes escolas secundárias periféricas onde há a possibilidade do estudo de outras línguas estrangeiras como primeira ou segunda língua podendo ser esta o português também.

POR TUDO ISTO APRESENTAMOS ante a Conselharia de Educação este abaixo-assinado com os nossos dados para que nos seja permitido dotar-nos de métodos formativos e comunicativos que nos facilitem desenvolver-nos com naturalidade numa língua que nos é muito próxima e nos concede uma grande projecção internacional. 

E, por tudo o exposto pedimos que seja tido em conta este REQUERIMENTO, pois consideramos que é de mútuo interesse tanto para a população como para a mesma Conselharia de Educação.

Verim, a ____ de ________ de 2023

A DPG e todas as pessoas que subscrevem este abaixo-assinado.

____________________________________________________________________

PETICIÒN COLECTIVA PARA TER EN VERÍN O IDIOMA PORTUGUÉS NA OFERTA EDUCATIVA DA ESCOLA OFICIAL DE IDIOMAS.  

Somos un grupo de persoas interesadas en nos inscribirmos en portugués na Escola Oficial de Idiomas de Verín e outras que apoian esta petición, que xa agora ten sido de longa data reclamada.

A nosa petición susténtase en que:

• Vivimos nunha vila fronteiriza con Portugal, na mesma raia, cunha gran relación económica e cultural entre os dous países.
• Soportamos en Verín un número cada vez maior de inmigrantes de orixe portuguesa e brasileira.  
• Temos o galego, o noso idioma materno, que ten moitas similitudes co portugués, tanto na sonoridade como gramaticalmente, o que facilitaría enormemente a súa aprendizaxe, tal como reflexiona a LEI 1/2014, de 24 de marzo, para o aproveitamento da lingua portuguesa e vínculos coa Lusofonia na súa exposición de motivos.
• Posuímos as relacións sociais, laborais, comerciais, lúdicas, culturais, etc, máis estreitas entre os dous países de toda a Península Ibérica, por colaboración, intercambios e interese tal como define a LEI 1/2014, de 24 de marzo, para o aproveitamento da lingua portuguesa e vínculos coa Lusofonia cando di: «Por tanto, para a melloría do desenvolvemento social, económico e cultural galego, as autoridades deben promover todas cantas medidas sexan posíbeis para mellor valorizar esta vantaxe histórica.»
• Contamos cunha entidade única formada polo Concello de Chaves e de Verim para atinxir fins comúns a nivel Europeo, a EUROCIDADE, que conta inclusive cun servizo de transporte propio e gratuíto para asistir a eventos culturais e comerciais ou mesmo a mercados locais, a cada lado da raia.
• Temos aínda tamén definido na LEI 1/2014, de 24 de marzo, para o aproveitamento da lingua portuguesa e vínculos coa Lusofonia, que: «os poderes públicos galegos promoverán o coñecemento da lingua portuguesa polo carácter estratéxico que para a Galiza teñen as relacións económicas e sociais no marco da Euro-Rexión Galiza-Norte de Portugal.» Por tanto, para a mellora do desenvolvemento social, económico e cultural galego, as autoridades deben promover todas cantas medidas sexan posíbeis para mellor valorizar esta vantaxe histórica.
• Sabemos que estudar portugués proporcionará á poboación de Verim unha competencia lingüística e cultural, fundamental para a mellora das relacións económicas e comerciais a ambos lados da raia. E o compromiso da LEI 1/2014, de 24 de marzo, para o aproveitamento da lingua portuguesa e vínculos coa Lusofonia, é claro neste sentido: «O Goberno galego incorporará progresivamente a aprendizaxe da lingua portuguesa no ámbito das competencias en linguas estranxeiras nos centros de ensino da Comunidade Autónoma da Galiza.»  
• Consideramos que a poboación da Eurocidade Chaves-Verín debería ter as mesmas oportunidades que EUROCIDADE Valença-Tui onde xa teñen a posibilidade de estudaren portugués na Extensión de Tui da EOI de Vigo desde hai moitos anos.  
• Verificamos que o interese da cidadanía de Verín polo coñecemento do portugués é cada día maior. Revisamos tamén que a sede da EOI de Verín non está pasando por un bo momento e a oferta de Portugués daríalle un pulo importante polo interese que suscita o estudo desa lingua.
• Entendemos tamén que se pode estender este ofrecemento ao abrigo da LEI 1/2014, de 24 de marzo, para o aproveitamento da lingua portuguesa e vínculos coa Lusofonia, ás distintas escolas secundarias periféricas onde hai a posibilidade do estudo doutras linguas estranxeiras como primeira ou segunda lingua podendo ser esta o portugués tamén.

POR TODO ISTO PRESENTAMOS ante a Consellaría de Educación este abaixo-asinado cos nosos datos para que nos sexa permitido dotarnos de métodos formativos e comunicativos que nos faciliten desenvolvernos con naturalidade nunha lingua que nos é moi próxima e nos concede unha gran proxección internacional.  

E, por todo o exposto pedimos que sexa tido en conta este REQUERIMENTO, pois consideramos que é de mutuo interese tanto para a poboación como para a mesma Consellaría de Educación. 

Verim, a ____ de ________ de 2023

A DPG e todas as persoas que subscriben este abaixo-asinado.