Pangulong Bongbong Marcos, isauli po ang 2025 budget sa Kongreso para maitama ang mga maling prayoridad nito at gawing makatarungan, makatao, at tapat sa iyong mga pangako! 

Sa halip na pondohan ang kalusugan at edukasyon, ang budget na ito ay naglalaan ng bilyun-bilyong piso sa mga proyektong pork barrel at public works na kadalasang ginagamit lang para sa pangangampanya ng mga politiko. 

Ang pagtanggal ng pondo para sa Philhealth ay labag sa UHC Act and Sin Tax Reform Law. Kailangan po nating ibalik ang pondo sa PhilHealth para sa Universal Healthcare, sa Department of Education para sa dekalidad na edukasyon ng ating mga anak, at sa DSWD para sa mga programang ayuda para sa mga tunay na mahihirap. 

Ang mga serbisyong ito ay karapatan ng bawat  Pilipino. Wag na tayong bumalik sa sistemang padrino at  hayaang magmakaawa ang mga tao sa mga politiko para sa mga serbisyong dapat naman nila talagang matanggap.