Nou, sitwayin Moris, demann avek gouvernman pou met an plas Referendum d’Initiative Citoyenne (R.I.C.), ki enn sistem pou donn lepep drwa pou pran bann desizyon lor bann size ki konsern nou tou. Sa referandum la pou donn nou drwa pran par dan bann desizyon politik san bizin pas par nou bann reprezantan.

Nou pe propoze kat tip referendum pou lepep ena plis kontrol lor lavi politik ek lavenir pei Moris :

 1. Constituant : Pou permet sitwayin sanz Konstitisyon Moris kan neseser.

 2. Abrogatoire : Pou retir bann lalwa ki pena utilite ouswa ki penaliz lepep.

 3. Révocatoire : Pou tir enn responsab politik ki pa pe fer travay so manda korekteman.

 4. Législatif : Pou propoze bann nouvo lalwa ki pou amenn progre ek zistice.

Nou krwar ki sa R.I.C. la pou permet lepep Moris gard kontrol lor bann gran desizyon ek evit ki bann lalwa ouswa desizyon pa al kont lintere lepep.

Sign nou petision pou ki gouvernman ekout lavwa lepep ek donn nou drwa pou pran par dan bann desizyon nasyonal!