Que está a pasar?
Está en tramitación un PIA (proxecto de interese autonómico) para un polígono industrial que afecta directamente á nosa parroquia, ás vivendas, ás fincas, ao Camiño de Santiago e ao entorno.

Non é un debate ideolóxico nin político. É unha cuestión de impacto real sobre a nosa parroquia e a nosa calidade de vida.

Cal é o problema deste proxecto?
❌ Impacto directo sobre vivendas e fincas.
•Expropiacións forzosas das parcelas e vivendas afectadas, con valoracións moi por debaixo do valor real, deixando aos propietarios sen capacidade real de decisión.

❌ Destrución de fontes e mananciais de auga.
•Os desmontes previstos suporán a destrución de fontes e mananciais de auga, e a inutilización doutros actualmente en funcionamento, que abastecen a unha parte significativa dos veciños.

❌ Falta de estudos clave, especialmente ambientais, e ausencia dunha avaliación real do impacto directo sobre os veciños.
•Non existen estudos ambientais completos que avalíen o impacto real do proxecto sobre o medio, incluíndo a contaminación do aire, do solo e da auga.
•Non se realizaron estudos de impacto sobre a saúde nin sobre a exposición a ruído, iluminación, vibración ou contaminantes que implican a perda de calidade e benestar da vida dos veciños.

❌ Accesos viarios mal deseñados.
•Non existen informes de mobilidade nin de tráfico.
•Accesos que atravesan casas e parcelas e parten aldeas enteiras.
•Aumento da inseguridade viaria, incrementando o tráfico por camiños xa precarios.

❌ Afectación ao Camiño de Santiago, un patrimonio histórico, cultural e económico de todos.

EN RESUMO: tal e como está deseñado, trátase dun proxecto mal planificado, que supón unha grave afección a parroquia, ás propiedades dos veciños e que é alleo á realidade da parroquia.
Non estamos en contra do desenvolvemento económico, pero si dicimos:

✅ NON AO PIA DE LAVACOLLA

👉 Asina e axúdanos a defender Sabugueira.

Máis información en: www.salvasabugueira.org