Mirë se vini në lagjen Astir, një zonë që dikur premtonte rehati dhe siguri për banorët e saj, por që sot është kthyer në një kaos real. Nga erërat e pakëndshme të ujërave të zeza, tek trafiku i rënduar dhe parkimet e zëna, po përballohemi çdo ditë me një mori problemesh infrastrukturore që kërkojnë zgjidhje urgjente.

E para dhe më kryesorja, është riparimi i rrugëve të dëmtuara, të cilat janë kthyer në një rrezik të përhershëm për drejtuesit dhe kalimtarët. Rrugë të çara dhe plot gropa, jo vetëm që dëmtojnë automjetet, por edhe ndikojnë në cilësinë e jetës së përditshme të secilit prej nesh. Duke investuar në riparimin dhe mirëmbajtjen e këtyre rrugëve, ne mund të sigurojmë një mjedis më të sigurt dhe më të qëndrueshëm për të gjithë.

Pikë e dytë: mirmbajtja dhe riparimi i kanaleve të ujërave të zeza. Aktualisht, këto kanale janë në gjendje të tmerrshme, duke shkaktuar erë të padurueshme dhe rreziqe shëndetësore. Ne kërkojmë nga autoritetet përkatëse të realizojnë investimet e nevojshme për të rregulluar dhe mirëmbajtur këto struktura thelbësore.

Problemi i tretë lidhet me hapesirat publike, të cilat janë uzurpuar nga individë për interesa private, si kafene të improvizuara apo biznese të tjera. Publiku duhet të ketë akses të lirë në këto hapësira dhe të mos ndjehet i privuar nga të drejtat e veta.

Së fundmi, çështja e parkimeve është një tjetër element i rëndësishëm që kërkon zgjidhje të menjëhershme. Parkimet nëntokë, të dizajnuara për banorët, shpesh janë zënë ose shitur për qëllime fitimi. Kjo situatë kërkon ndërhyrjen e menjëhershme të bashkisë për të liruar këto vende dhe për të krijuar parkime publike të mjaftueshme për nevojat e komunitetit.

Është koha që bashkia të vërë në veprim një plan konkret për të përmirësuar infrastrukturën urbanistike të lagjes Astirit, duke përdorur në mënyrë të efektshme kontributet tona nga taksat. Eja dhe bashkohu kësaj iniciative për të bërë ndryshimin që meritojnë banorët e kësaj zone! Nënshkruaj këtë peticion për të kërkuar ndryshimin e nevojshëm në lagjen tonë.ës