Elgoibarko guraso talde bat gara eta pena handiz bizi dugu Mintxetako igerilekua ixtearekin batera igerilekuak atzealdera duen zelaia eta ur-txorroten parkea erabili ezinda geratzea. 
Zelai hori Elgoibarko herriaren altxor bat iruditzen zaigu, herri erditik oso gertu gure herrian, oinez eta oinezkoen bidetik, iritsi gaitezkeen zelaigune bakarra da. Eta zorionez, orain arte, txakurren kaka gabe mantendu den zelaigune bakarra. 
Gure haurrek eta guk izugarri gozatzen dugu gune horretan udan zehar eta Udalari eskatu nahi diogu zelai hori urte osoan zehar eta ur txorrotak udazken eta udaberrian zabalik mantentzeko. Espreski eskatu nahi dugu espazio hau pertsonen erabilerarako izan dadila, herriko gainerako zelaiguneetan txakur kakekin daukagun arazoa kontuan izanda. 

Horrez gain, uste dugu urte osoan ere espazio horrek irekia izan beharko lukeela, igerilekuko bonoa izan ala ez, gure herriaz herritarrok libreki gozatzeko.