Përshëndetje bashkëqytetarë të Republikës së Shqipërisë,

Çmimi i naftës kudo në botë ka prekur një minimum historik, por që si gjithmonë nuk reflektohet në pikat e tregtimit të naftës me pakicë në Shqipëri.

Si vend prodhues i naftës dhe si pasojë e uljes globale të çmimit të naftës, është e papranueshme që në vendin tonë të tregtohet naftë me çmim më të lartë se vendet e rajonit. Prandaj ky peticion ka për qëllim:

1-Uljen e çmimit të naftës duke e barazuar me atë të Kosovës që është 1€ për litër

2-Ushtrimin e kontrolleve për verifikimin e cilësisë së saj.

Qeveria i zotëron të gjitha mundësitë dhe mekanizmat siç janë ulja e taksës së qarkullimit dhe akcizës për të arritur në tregtimin e naftës me një çmim logjik dhe jo haraçëzus. (Në fund të fundit, çfarë qëllimi ka taksa e qarkullimit kur të gjitha rrugët janë ose po synojnë të bëhen me pagesë?!)

Nëse edhe ti mendon se ky peticion është i drejtë dhe ndikon ndjeshëm në jetesën tënde firmose dhe shpërndaje sipas mundësisë.

Faleminderit!

#Përgjegjësia jonë ndaj vendit është e pamohueshme: do vuajmë me vuajtjet e Shqipërisë, do gëzojmë me gëzimet e saj. Faik Konica (Albania 15-30 janar 1899 ©).

**NDALOHET përdorimi në çdo lloj forme i këtij peticioni qëllime politike!