Kërkesë për hapjen e bibliotekave dhe sallave të leximit për nxënësit dhe studentët,

Tash e sa muaj, për shkak të situatës së Pandemisë, në shtetin e Kosovës kemi pasur mbyllje pothuajse të plotë, e në mes tyre edhe mbylljen e bibliotekave. Kjo periudhë ka qenë mjaftë e rëndë për frekuentuesit e rregullt të tyre, mirëpo është kaluar me durim për shkak të shëndetit të përgjithshëm. Por, sot kur po shohim se të gjitha objektet tjera të frekuentuara nga masa e gjerë janë hapur si kafenetë, marketet, shumë prej insitucioneve publike e private të punës, e shumë të tjera; e shohim si shumë të paarsyeshme që bibliotekat të qëndrojnë të mbyllura. Në biblioteka mund te bëhet riorganizimi duke respektuar masat me përpikmëri, si distanca fizike; përderisa maska dhe higjena personale mbetet pergjegjësi individuale (sikurse edhe jashtë bibliotekave). Shto faktin se janë po nxënësit dhe studentët ata që mësojnë çdo ditë për shëndetin dhe dinë më së miri ta ruajnë atë. Karantinimi dhe mbajtja e mësimit online kanë bërë që të rritet ngarkesa psikologjike e cila ka ndikuar në rënie të të mësuarit, andaj është shumë e domososhme hapja e bibliotekave tani.

 Kërkojmë nga Institucionet përgjegjëse që ta marrin me seriozitet të madh këtë kërkesë dhe t’i shqyrtojnë të gjitha mundësitë që sa më parë të merret ky vendim.